पोखरा । दाह्री ग्याङ पोखराको ४९ औं आधिकारिक बैठकले अभिमन्यु पाण्डे (विक्रम) लाई संयोजक र बसन्त मिश्रलाई सह–संयोजकमा सर्वसम्मतिले जिम्मेवारी प्रदान गरेको छ ।
यसअघि शेखर गौतमले २ वर्ष र बसन्त पहारीले साढे २ वर्ष संयोजकको जिम्मेवारी सफलतापूर्वक सम्पन्न गरिसकेका छन् । नवनियुक्त संयोजक र सह–संयोजकलाई दारी दाह्री पोखराका पूर्वसंयोजक शेखर गौतम र निवर्तमान संयोजक बसन्त पहारीले खादा ओढाएर आफ्नो कार्यकाल सफलतापूर्वक सम्पन्न गर्न शुभकामना व्यक्त गरेका थिए ।
नवनियुक्त संयोजक पाण्डेले सबै सदस्य साथीहरुको सहयोग लिएर अघि बढ्न सकिने बताउँदै दाह्री ग्याङको आधिकारिक कार्यालय खोल्ने, नवयुवालाई व्यापार/व्यवसायमा प्रोत्साहन गर्ने, तत्काल आपतकालिन सेवामा सदैव तत्पर रहने, समाजमा हुनेनकारात्मक घटना, विसंगतिलाइ हटाउन सम्बन्धित निकायमा दबाब दिने लगायत आफ्ना भावी योजना प्रस्तुत गरेका थिए ।
दाह्री ग्याङ पोखराले फेवाताल सरसफाइ, आकस्मिक र नियमित रक्तदान, निम्न वर्गीय परिवारलाई स्वास्थ्य उपचार खर्च सहयोग, विपन्न परिवारलाई सहयोग, सडक तथा अनाथ बालबालिकालाई सहयोग, विद्यालयलाई ह्वाइट बोर्ड सहयोग लगायत उदारहणीय कार्यहरु गर्दै आएको छ ।
२०७२ फाल्गुण ६ गते खोलिएको फेसबुक ग्रुपको सञ्जाल अहिले देशभर फैलिसकेको छ । सदस्य संख्या बढेसंगै फेसबुक ग्रुपमार्फत् सामाजिक रुपान्तरणका लागि अघि बढ्ने उद्देश्य राखेको दाह्री ग्याङ अहिले नेपालका ३० भन्दा बढी जिल्लामा सक्रिय छ ।
सम्बन्धित खबर
पोखरा १७ वडाबासीको सित्तैमा रक्त जाँच
‘नेपाली भाषा जोगाउने दायित्व शिक्षकहरूको काँधमा’
मुख्यमन्त्री अधिकारीद्वारा पोखरा १६ मा निर्मित पूल तथा सडकको उद्घाटन
एमाले बिना मुलुकको समृद्धि र विकास सम्भव छैन: उपमहासचिव गुरुङ
तनहुँमा पौडी खेल्ने क्रममा डुबेर दुई युवकको मृत्यु
पोखरा साइकल दौडमा प्रकाश र उषा च्याम्पियन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग