पोखरा – कास्की प्रहरीले चोरीका गहना सहित एक व्यक्तिलाई पक्राउ गरेको छ ।

पक्राउ पर्नेमा पर्वत जिल्ला कुश्मा नगरपालिका वडा नं -११ स्थायी घर भई हाल पोखरा -२६ विजयपुर बस्ने २६ वर्षीय किशोर शर्मा रहेका छन् ।

प्रहरीका अनुसार गत माघ ६ गते दिउँसो १२ :३० बजेको समयमा पोखरा -५ धारापानी मार्ग डेरा गरी बस्ने गिता भुजेलको कोठाको चावी र दराज फोडेर दराजमा रहेको औंठी, सिक्री, मंगलशुत्र लगायतका विभिन्न सुनका गरगहना तथा धनमाल चोरी भएको थियो । चोरी भएको सूचना लगत्तै जिल्ला प्रहरी कार्यालय कास्की र मातहत वडा प्रहरी कार्यालय बैदामबाट खटिएको प्रहरीको टोलीले गरेको अनुसन्धान पश्चात शर्मालाई चोरीका सामान सहित पक्राउ गरेको थियो ।

पक्राउ परेका शर्माको साथबाट प्रहरीले हरियो पोते सहितको सुनौलो रंगको ३९.४ लाल तौलको छड्के तिलहरी १ थान, रातो पोते सहितको सुनौलो रंगको ८७.१ लाल तौलको मंगल शुत्र १ थान, रातो पोते सहिको सुनौलो रंगको २.४ लाल तौलको सानो तिलहरी १ थान, रातो पोते सहितको सुनौलो रंगको १४.५ लाल तौलको माईली तिलहरी १ थान, रातो पोते सहिको सुनौलो रंगको सानो २५ लाल तौलको मंगल शुत्र १ थान, सुनौलो रंगको ५ लालको छापे औंठी १ थान, सुनौलो रंगको ६९.५ लाल तौलको सिक्री १ थान, सुनौलो रंगको सानो १० लाल तौलको मुन्द्रा १ थान, ग १३ प ३७४७ नंवरको रातो विइगो स्कुटर १ थान, फलामको रड १ थान, कम्पास जस्तो देखिने फलामको टुक्रा १ थान र मोबाईल सेट २ थान वरामद गरेको छ ।

उनी विरुद्ध चोरी तथा डाँका सम्बन्धि कसुर मुद्धा दर्ता गरी थप अनुसन्धान प्रकृया अगाडी बढाईएको जिल्ला प्रहरी कार्यालय कास्कीले जनाएको छ ।