नेपाल रेल्वे कम्पनीको महाप्रबन्धक गुरुप्रसाद भट्टराईले प्रदेश २ का प्रमुख तिलक परियारका स्वकीय सचिव अनिल पासवानलाई दिएको अपहरणको धम्कीको विषयमा उनले माफी मागेका छन् ।

आफ्नो सामाजिक सञ्जाल फेसबुकमा आफूले नियतबस त्यस्तो गर्न नचाएको बताउँदै त्यस्तै प्रकृतिका धाक धम्की र धमास देखाउँदा अवशब्द बोल्न बाध्य भएको स्पष्टोक्ति दिएका छन् । प्रदेश प्रमुख परियारको निर्देशनमा रेलवे सञ्चालनका बारेमा जानकारी लिन खोज्दा महाप्रबन्धक भट्टराईले पासवानलाई गालीगलौज गरी अपहरणको धम्की दिएको टेप केही दिन अघि बाहिरिएको थियो ।

भट्टराईले भनेका छन्, ‘यसको निम्ति म सबैसंग क्षमा चाहन्छु ।’ उनले प्रदेश प्रमुखको सचिवालयको मान्छे, हामीसंग समन्वय नगरी काम गर्छस भनेर पटक पटक धम्क्याउँने काम भएपछि आफ्नो धैर्यताको बाँध नाघेको टिप्पणी गरेका छन् ।

उनले सत्य कुरा फेरिपनि के हो भने म आफ्नो नीजी समय बिताइरहेका बेला गलत समयमा बिबाद परेका कारण केही लुज टक भएको स्वीकारे । । जुन कुरा गलत हो भन्ने कुरामा बिबाद गरिरहनु पर्ने कुनै कारण नभएको बताएका छन् ।

आफूले १२ मिनेटसम्म बोल्दा अधिकांश समय संयम हुँदा पनि पार नलागेपछि यस्तो भएको उल्लेख गरे ।

https://www.youtube.com/watch?v=mRyWh5jvHPs