सत्ता बाहिरका दलकाे बैठक बुधबार बस्ने भएकाे छ। प्रतिनिधि सभा पुनर्स्थापनापछि चितवनबाट बिबिसीसँग कुराकानी गर्दै नेकपा अध्यक्ष पुष्पकमल दाहाल‘प्रचण्ड’ले बुधबार सत्ताबाहिरका दलको बैठक बस्ने जानकारी दिएका हुन्।
नेपाली कांग्रेससहित जनता समाजवादी पार्टी (जसपा)लगायत दलहरूसँग वार्ता गरेर अघि बढिने बताएका हुन्। ‘अब नयाँ तरिकाले संवाद गरे अघि बढ्छौं। हामी आज चितवन आएका छौँ। अब हामी भोलि काठमाडौं जान्छौँ,’ प्रचण्डले भने, ‘काठमाडौं पुगेर कांग्रेस जसपालगायत दलहरुसँग संवाद गरेर अघि बढ्ने छौँ।’
बुधबार कहाँ र कतिबेला सत्ताबाहिरका दलको बैठक बस्छ भन्ने चाहिँ प्रचण्डले खुलाएका छैनन्।
कांग्रेस सभापति देउवा र नेकपा अध्यक्ष प्रचण्डबीच टेलिफोनमा बधाई साटासाट
प्रतिनिधिसभा विघटनलाई सर्वोच्चले असंवैधानिक घोषित गर्दै बदर गरेपछि आन्दोलनरत नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच टेलिफोनमा कुराकानी भएको छ।
अदालतको फैसला आएसँगै अब सरकार कसरी अगाडी बढ्छ भन्ने विषय निकै चासोको विषय बनेको छ। नेकपा भित्र दुई गुट देखिदा बहुमतको सरकार बनाउन नेपाली कांग्रेसको भुमिका झनै अहम बनिरहेको समयमा अध्यक्ष दाहाल र सभापति देउवाको कुराकानी पनि महत्वपूर्ण देखिन्छ।
प्रधानन्यायाधीश चोलेन्द्र शम्शेर जबरा नेतृत्वको ५ सदस्यीय संवैधानिक इजलासले विघटनलाई असंवैधानिक घोषणा गर्दै १३ दिनभित्र संसदको अधिवेशन बोलाउन परमादेश दिएको छ।
विघटन बदर भएसँगै प्रधानमन्त्रीले नैतिकताका आधारमा राजीनामा दिन सक्छन्। यदि त्यसो भएन भने संसद बैठकबाट नेकपा (दाहाल-नेपाल समूह)का ८९ सांसदले प्रस्तुत गरेको अविश्वासको प्रस्ताव अगाडि बढ्ने छ।
अविश्वासको प्रस्तावमा बहुमत पुगेर पारित भएमा ओली पदमुक्त हुनेछन्। तर, अविश्वासको प्रस्ताव पारित हुन कांग्रेस वा मधेशवादी दलको साथ चाहिन्छ। कांग्रेस निर्णायक हुनेछ।
सम्बन्धित खबर
इलाम उपनिर्वाचन: मतदान सकियो, इलाम-२ मा करिब ५७ प्रतिशत मत खस्यो
जननेता मदन भण्डारीको हत्यारा अहिलेसम्म पत्ता किन नलागेको ?: कांग्रेस सभापति देउवा
सुदूरपश्चिम सरकार गठनविरुद्धको रिटमा सर्वोच्चले दिएन अन्तरिम आदेश
एमालेको सहमतिपछि एकीकृत समाजवादीका सोडारीद्वारा सुदूरपश्चिमको मुख्यमन्त्रीमा दाबी पेस
शाक्य राष्ट्रिय सभा सदस्यमा मनोनीत
मैले ऋण लिएको छैन, जीबी राईका सारा बदमासीको ठेक्का लिनुपर्ने हो ?: रवि
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग