पोखरा, ८ चैत / पोखराको पर्यटकीय क्षेत्र डेभिजफलमा खसेका एक व्यक्तिको प्रहरीले सकुशल उद्धार गरेको छ । पर्वत घर भएका ईन्द्र केसीलाई प्रहरीले उद्धार गरेको हो ।

बिहादी १ का ३७ वर्षीय केसीलाई वडा प्रहरी कार्यालय बैदाम र नेपाल प्रहरीको सशस्त्र प्रहरी गण मुख्यालय पोखरावाट प्रहरी निरिक्षक पुष्पकमल श्रेष्ठको कमाण्डमा खटिएको उद्धार टोलीले केसीको सकुशल उद्धार गरेको हो ।

पातलेछाँगो हेर्न जानेक्रममा एक पर्यटकले पहरोमा अड्कीएको देखेपछि प्रहरीलाई खबर गरीएको थियो । केसी मानसिक सन्तुलन गुमाएको व्यक्ति रहेको वडा प्रहरी कार्यालय बैदामका प्रमुख डिएसपी नविन कार्कीले जानकारी दिए ।

बिहान ९ बजेर ४० मिनेटमा प्रहरीलाई खबर भएपछि उद्धारमा टोली खटिएको थियो । कहिले आफूलाई समात्न लागेकाले लुक्न खोजेको, कहिले २ युवतीलाई बलात्कार गरेकाले भाग्दै आएको जस्ता बयान दिने गरेको प्रहरी स्रोत जनाउँछ । उनको स्वास्थ्य अवस्था सामान्य भएपछि घर पठाईदिने कास्की प्रहरी प्रवक्ता डिएसपी खड्क बहादुर खत्रीले जानकारी दिए ।

हेर्नुहोस् भिडियो:

https://youtu.be/zvrhGW2BN7k

भिडियो: समाचारपाटी डटकम

थप समाचार समाचारपाटी डटकमबाट

सिमित श्रोत साधनका बाबजुद उद्धार गर्नुपर्ने बाध्यता

अपतकालिन अवस्थामा खटिने उद्धार टोलीसंग प्रयाप्त श्रोत साधन नभएको विषय उद्धारमा खटीले प्रहरीले बताउदै आएका छन् । उनिहरुले आफुहरुसंग प्रयाप्त श्रोत साधन हुने हो भने अझै आत्मविश्वासका साथ काम गर्न सक्ने बताउछन् ।

उद्धारटोलीका कमाण्डर प्रहरी हवल्दार श्याम श्रीवास्तवले आफुहरुलाई उद्धारमा जाँदा श्रोतसाधनकै कारण डर मान्दै उद्धारगर्नुपर्ने बाध्यता रहेको बताउछन् । उनि भन्छन् – “पहिला पहिला डर लाग्दथ्यो तर आजकाल ड लाग्दैन, डर लाग्ने भनेको श्रोत र साधनका कारण डर लाग्ने हो ।”

उद्धारटोलीसंग प्रयाप्त श्रोतसाधन नभएका कारण नेपाल प्रहरीले पनि बेला बेला क्षति बेहोर्दै आएको छ । यस उदाहरण गत असारमा फेवा तालमाथि हर्पनमा डुबेका एक व्यक्तिलाई उद्धार गर्न गएका प्रहरी जवान बलबहादुर कुँवरको निधन भएको थियो ।

पोखराको पातलेछाँगोमा उद्धार गर्दा, सेतीमा खसेका व्यक्ति र फेवातालमा हुने विभिन्न घटनामा उद्धारका लागि जाने प्रहरीले पटक पटक श्रोत साधनको अभावका कारण आफुहरुलाई समस्या भएको बताउदै आएका छन् । बिहिबार पनि केसीको उद्धारका लागि नेपाल प्रहरीको उद्धार टोलीले त्यहि समस्याका बाबजुद उद्धार गर्नु पर्यो तापनि केसीको सकुशल उद्धार गर्यो ।

यस्तो जोखिम लिएर नेपाल प्रहरीका जवान अझै कति समय उद्धार गर्छन् भन्ने प्रश्न विध्मान छ । समस्या माथि समस्या कहिले थपिने हो थाहा छैन त्यसैले समस्या समाधानका लागि वा मानीसको ज्यान बचाउन खटिने उद्धारटोलीलाई प्रयाप्त श्रोतसाधनयुक्त बनाउनु आजको आवश्यकता हो ।

उद्धारमा खटीने टिमलाई आईपर्ने समस्या भनेको घटनास्थलमा नै चिकित्सक सहितको मेडिकल हुन जरुरी देखिएको छ ।
नेपाल प्रहरीको सशस्त्र प्रहरी गण मुख्यालय पोखराको उद्धार टोलीमा ७ जना छन् ।