स्याङ्जाको गल्याङ नगरपालिकामा ट्याक्टरबाट खसेर घाईते भएका युवकलाई जिउँदै कालीगण्डकीमा फालेको आरोप अर्का सहकर्मी सहचालक र चालकमाथि लागेको छ । ति युवक कालीगण्डकीमै बेपत्ता छन् भने चालक फरार छन् । अर्का सहचालक पक्राउ परेका छन् ।
गल्याङ नगरपालिका वडा नं ९ पारीचौरस्थित बेल्चौर–साँखर कच्ची सडक खण्डमा चैत ५ गते लु.अ.अ.फ. १०२० नं (अस्थायी नं) को ट्याक्टरमा काम गर्ने सहचालक गल्याङ ८ का गणेश गाहा मगरको अवस्था अज्ञात रहेको जिल्ला प्रहरी कार्यालय स्याङ्जाका डिएसपी राजेन्द्रप्रसाद अधिकारीले जानकारी गराएका छन् ।
घटना विवरण अनुसार राति १० बजे कालीगण्डकी घाटदेखि ढुङ्गा लोड गरी हिँडेको उक्त ट्याक्टरबाट गाहा एक्कासी खसेको र तत्काल उनलाई ट्याक्टरले किच्न पुगेको थियो । त्यसपछि, चालक अमित परियार र साथी सुनिल रानाले सहयोग गर्नुको सट्टा ट्याक्टरमै राखेर साखर घाटबाट कालीगण्डकीमा फालेको बताइन्छ ।
सहचालक सुनिल पनि गल्याङ नगरपालिका वडा नं ८ का हुन् । उनलाई प्रहरीले पक्राउ गरिसकेको छ । सुनिलले घटनाबारे आफ्नी दिदीलाई भनेपछि यो घटना सार्वजनिक भएको हो । चालक अमित परियार भने फरार छन् । प्रहरी टोलीले खोजतलासलाई तिब्रता दिएपनि अहिलेसम्म नदिमा बेपत्ता गाहालाई फेला पार्न नसकेको प्रहरीले जनाएको छ ।
प्रहरीले ज्यान सम्बन्धी कसुर कर्तव्य ज्यान मुद्धा दर्ता गरी सोमबार जिल्ला अदालत स्याङ्जाबाट सात दिनको म्याद थप गरी सुनिलमाथि अनुसन्धान गरिरहेको जनाएको छ ।
सम्बन्धित खबर
पोखरा १७ वडाबासीको सित्तैमा रक्त जाँच
‘नेपाली भाषा जोगाउने दायित्व शिक्षकहरूको काँधमा’
मुख्यमन्त्री अधिकारीद्वारा पोखरा १६ मा निर्मित पूल तथा सडकको उद्घाटन
एमाले बिना मुलुकको समृद्धि र विकास सम्भव छैन: उपमहासचिव गुरुङ
तनहुँमा पौडी खेल्ने क्रममा डुबेर दुई युवकको मृत्यु
पोखरा साइकल दौडमा प्रकाश र उषा च्याम्पियन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग