पोखरा – पछिल्लो २४ घण्टामा कास्कीका १७० जनाको नमुना परीक्षण गर्दा पोखराका ६९ जनामा कोरोना पुष्टि भएको छ ।

प्रदेश स्वास्थ्य निर्देशनालयद्वारा जारी विज्ञप्ति अनुसार पोखरा महानगरपालिकामा मात्र ६९ जनाको परीक्षण रिपोर्ट कोरोना पोजेटिभ आएको हो ।

आज पुष्टि भएकासंगै कास्कीमा कोरोना संक्रमितको जम्मा संख्या २ हजार २१० पुगेको छ ।

यस्तै गण्डकीका अन्य जिल्लामा तनहुँका २३ जनाको परीक्षणमा ५ जना, लमजुङका २० जनाको परीक्षणमा २ जना, नवलपुरका २६ जनाको परीक्षणमा १२ जना, स्याङ्गजाका ७ जनाको परीक्षणमा ३ जनामा कोरोना पुष्टि भएको छ ।

यस्तै पर्वतका १५ जनाको परीक्षणमा ५ जना र म्याग्दी जिल्लाका ९ जनाको परीक्षण गर्दा ५ जनाको परीक्षण रिपोर्ट कोरोना पोजेटिभ आएको निर्देशनालयद्वारा जारी विज्ञप्तिमा जनाइएको छ ।

आज गण्डकीमा पुष्टि भएका १०१ जनासंगै कोरोना संक्रमितको कूल संख्या १७ हजार ८ सय ३६ पुगेको छ।  जसमा ९३७ सक्रिय संक्रमित छन् ।

पछिल्लो २४ घण्टामा गण्डकीबाट ४० जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १६ हजार ६ सय ८६ पुगेको छ भने, संक्रमणकै कारण गण्डकीमा आज थप ४ जनाको मृत्यु पुष्टि भएको छ।

आज पुष्टि भएका मृतकसंगै गण्डकीमा ज्यान गुमाउनेको संख्या २१५ पुगेको निर्देशनालयले जनाएको छ  ।