गण्डकी प्रदेशमा कोरोना भाइरसको संक्रमणबाट थप २१ जनाको मृत्य भएको छ । स्वास्थ समस्या देखिएपछि विभिन्न अस्पतालहरुमा उपचाररत २१ जना संक्रमितको मृत्यु भएको प्रदेश स्वास्थ्य निर्देशक डा.विनोदबिन्दु शर्माले बताए ।

उनका अनुसार कोरोना संक्रमणबाट मृत्यु हुनेमा कास्कीका ७, नवलपरासी पूर्वमा ५, स्याङजा ४, गोरखा २, बागलुङ २ र तनहुँका १ जना रहेका छन् । गण्डकी प्रदेशमा बुधबार प्रदेशमा अहिलेसम्मकै धेरै ३० जनाको मृत्यु भएको थियो । प्रदेशमा एक हप्तामा थप २३२ जना कोरोना संक्रमितको उपचारका क्रममा मृत्यु भएको छ । बैशाख २४ गते ७ जनाको मृत्यु भएको थियो । त्यसैगरी २५ गते प्रदेशमा ३ जनाको मात्र मृत्यु भएको थियो । बैशाख २६ मा १२ जना, बैशाख २७ मा १३ जनाको मृत्यु भएको थियो ।

त्यसैगरी बैशाख २८ मा १२ जनाको मृत्यु भएको थियो । २९ गते १६ जनाको मृत्यु भएको थियो । त्यसैगरी बैशाख ३० मा १४ जना र ३१ मा मृतकको संख्या बढेर २३ पुगेको थियो । त्यसैगरी जेठ १ मा मृतकको संख्या घटेर १४ जनामा झरेको थियो ।

त्यसैगरी जेठ २ मा संख्या बृद्धि भएर मृतकको संख्या २८ पुग्यो । जेठ ३ मा गण्डकी प्रदेशमा २४ जनाको मृत्यु भएको थियो । त्यसैगरी जेठ ४ गते १५ जनाको मृत्यु भएको थियो । जेठ ५ गते प्रदेशमै अहिलेसम्मको धेरै ३० जनाको मृत्यु भयो । त्यसैगरी जेठ ६ गते अर्थात आज २१ जनाको मृत्यु भएको छ ।

प्रदेश स्वास्थ्य निर्देशनालयको तथ्याङ्कलाई मूल्याङकन गर्दा प्रदेशमा क्रमश कोरोनाका कारण मृत्यु हुनेको संख्या बृद्धि हुँदै गएको छ । गण्डकी प्रदेशमा कोरोना संक्रमणबाट हालसम्म ४७३ जनाको मृत्यु भएको छ ।