पोखरा, २८ चैत /दुर्घटनामा आफ्नो साथीको ज्यान गएपछि पोखराका विद्यार्थीहरुले बुधबार विभिन्न ठाउँमा प्रदर्शन गरे । मंगलबार एयरपोेर्टमा नगरबसको ठक्करले मोटरसाईकलमा सवार शोभाकान्त पनेरुको मृत्यु भएको थियो ।

मृतक पनेरु छोरेपाटन स्थित गुप्तेश्वर बहुमुखी क्याम्पसमा अध्ययनरत थिए । दोषीमाथी कडा कारबाही सहित उचित राहतको माग गर्दै विद्यार्थीहरुले आन्दोलन गरेका हुन् ।

विद्यार्थीहरुले पोखराका माईक्रोबस बन्द गरी नाराबाजी सहित प्रदर्शन गरे । सभागृह चोकमा विद्यार्थीहरुले नाराबाजी सहित केहिबेर प्रर्दशन गरे । विद्यार्थीको आन्दोलन पछि पोखराका माइक्रोबस सञ्चालनमा आएनन् । भित्रि बाटो र सानो माइक्रोबसहरु केही मात्रामा सञ्चालनमा आए ।

https://youtu.be/HDOYhw3i19w?t=9

मंगलबार बिहान ग ९ प २१९१ नम्बरको पल्सर मोटरसाइकलाई विपरीत दिशाबाट आएको ग १ ख ३८७७ नम्बरको माइक्रोबसले माइक्रोबसले ठक्कर दिदा मोटरसाइकलको पछाडि बसेका स्याङ्जा घर भई पोखरा ड्यामसाइड बस्ने बिद्यार्थी पनेरुको उपचारकै क्रममा अस्पतालमा मृत्यु भएको थियो ।

मोटरसाइकल चालक पोखरा लेखनाथ महानगरपालिका वडा २१ बस्ने २५ बर्षीय सन्दीप पौडेल गम्भिर घाइते भएकाछन् । उनको हाल गण्डकी मेडिकल कलेजमा उपचार भईरहेको छ। माईक्रो बस चालक स्याङजा आधिखोलाका ३६ बर्षीय दिप्ती नारायण ढकाललाई प्रहरीले आफ्नो नियन्त्रणमा लिएको छ ।