पोखरा । जापानका बिभिन्न ठाउँमा कार्यरत नेपाली युवाहरुले संकलन गरेको रकमबाट आज एक कार्यक्रमका बिच बिपन्न परिवारको लागि सहयोग सामाग्री वितरण गरिएको छ ।
‘कास्की सामाजिक अभियान जापान’ मार्फत संकलित रकमबाट ३ दर्जन बढी बिपन्न परिवारका लागि सामाग्री वितरण गरिएको हो । दशै मनाउन नसक्ने, आर्थिक अवस्था कमजोर भएका परिवारका लागि खसीको मासु सहित चामल, दाल, तेल, नुन लगायतका सामाग्री वितरण गरिएको छ ।
पोखरा महानगरपालिकाका २४ देखी ३३ सम्मका वडाका ३८ बिपन्न परिवारलाई गण्डकी टेलिभिजनका संचारकर्मी अपिल त्रिपाठी मार्फत सामाग्री हस्तान्तरण गरिएको थियो । प्रत्येक वडाका वडाध्यक्षसँग परामर्श तथा समन्वय गरी बिपन्न परिवार छनौट गरी राहत सामाग्री वितरण गरिएको त्रिपाठीले जानकारी दिए ।
‘कास्की सामाजिक अभियान जापान’ले यस अघि कोरोना महामारीको समयमा अक्सिजन सिलिण्डरको व्यवथापनको लागि रकम संकलन गरेको थियो । तर, त्यतिबेला अक्सिजनको समस्या नरहेको भन्ने जानकारी बिभिन्न अस्पतालहरुबाट आएपछि सो रकम खर्च भएको थिएन । सोही संकलित रकमबाट आज सहयोग सामाग्री हस्तान्तरण गरिएको त्रिपाठीले जानकारी दिए ।
सम्बन्धित खबर
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
बेगनास तालमा पौडी खेल्ने क्रममा डुबेर युवकको मृत्यु
नेपाल पत्रकार महासंघ स्याङ्जाद्वारा तीन पूर्व अध्यक्षलाई सम्मान
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु