काठमाडौँ । नेकपा एमालेका अध्यक्ष केपी शर्मा ओलीले प्रधानमन्त्री हुँदा करोडौँको सामान प्रयोग गरेको भन्ने भनाइप्रति खण्डन गरेका छन् ।

शुक्रबार माओवादी केन्द्रका अध्यक्ष पुष्पकमल दाहाल प्रचण्डले चितवनमा आयोजित कार्यक्रममा ओली प्रधानमन्त्री हुँदा बालुवाटारमा करोडौँको सामान खरिद भएको बताएका थिए ।

उनले भनेका थिए, ‘बालुवाटारमा प्रधानमन्त्री निवास दरबारजस्तो बन्दैछ । हामीलाई त अहिले थाहा भयो केपी ओलीले त त्यो दरबार जिन्दगीभरि छोड्नु पर्दैन भनेर थाइल्याण्ड, इटलीबाट महँगो सामान ल्याएर राखेका रहेछन् ।’ तर एमाले अध्यक्ष ओलीले त्यसको खण्डन गरे ।

शनिबार सिन्धुपाल्चोक काठमाडौँ सम्पर्क मञ्चले आयोजना गरेको शुभकामना आदान प्रदान कार्यक्रममा ओलीले यो विरोधीहरुले लगाएको आरोप मात्र भएको बताए ।

‘मेरो भान्सामा त भाँडाकुँडा पनि आफ्नै हुन्थे । आफ्नै घरबाट लगेको हुन्थे, के को किन्नु ?’अघि भने, ‘प्रधानमन्त्री निवासमा सेना पनि बस्छ, उसलाई खाना खानुप¥यो होला। भाँडाकुँडा चाहियो होला। मेरो श्रीमतीले पकाएको खाना खाएर बस्ने मलाई किन करोडौंको भाँडाकुँडा चाहियो? ‘थोरै भात र एउटा रोटी खाएर बस्ने मलाई करोडौँको भाँडाकुँडा किन चाहियो?’ ओलीले भने ।