अश्विन दानी, गोरखा । गोरखा नगरपालिका ३ नारेश्वरकी पुतली (नाम परिवर्तन) भारतको कोठीमा थुनिएको जानकारी आएको पारिवारीक श्रोतले जानकारी दिएको छ ।
गत बैशाख १ गते देखि हराएकी छोरी अहिले भारत स्थित पञ्जाबको कोठीमा रहेको जानकारी आएको उनकी आमाले जानकारी दिईन । केही समय अघि देखि पुतलीको भारतीय युवाहरुसँग सामाजिक सञ्जालमा कुरा समेत गरिरहने उनकी आमाले बताईन ।
‘छोरीले विदेश जान्छु भनेर पासपोर्ट बनाकी थिई’ पुतलीकी आमाले रुँदै भनिन् ‘विदेश जानुपर्दैन भन्दै ज्वाईले पासपोर्ट खोसेका थिए । विदेश जान नदिएको भन्दै ज्वाई छोरीको झगडा परिरहन्थ्यो ।’
छोरीले विदेश जाने भनेर जिद्धि गर्दागर्दै अहिले भारतको कोठीमा पुगेको खबर आयो । पुतली भारत स्थित पञ्जाबको कोठीमा पुगेको भनेर उनकै साथी सोनीयाले पुतलीकी आमालाई जानकारी दिएकी हुन् । केही दिन अघि पुतलीकी आमालाई अर्की साथी ज्योती मगरले छोरी भारतमा रहेको जानकारी दिएकी थिईन् ।
‘फोन गरेर इण्डियाको कोठीमा छ खान दिँदैन रे । यातना दिन्छ रे अनि बन्द कोठामा राख्या छ रे । मार्न लागिसक्यो यहाँ बाट निकाल्नुस भन्या छ रे ।’ पुतलीकी साथी सोनीया र ज्योतीलाई उद्दृत गर्दै आमाले भनिन् ।
पुतली पञ्जाबको कोठीमा रहेको कुरा उनका साथीहरुले आमालाई शनिबार मात्रै खबर गरेका हुन् । सोनीयासँग छोरीको कसरी फोन सम्पर्क भयो भन्नेबारे आमा अनविज्ञ छिन । अहिले सोनियाको फोन स्वीच अफ रहेको छ ।
भारतमा सम्पर्क गरेर पुतलीको बारेमा कसरी जानकारी लिएको भनेर सोध्दा उनले जानकारी दिन नमानेको आमाले बताईन । केही समय अघि पुतलीले विदेश जाने भनेर भारतकै राकेश सिंहको आग्रहमा पासपोर्ट बनाएको आमाले जानकारी दिईन् ।
काठमाडौँबाट पुतली हराएपछि उनका श्रीमानले काठमाडौँ प्रहरी र माइती नेपालमा समेत खबर निबेदन दिईसकेका छन् ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग