पोखरा । पोखरा १७, छोरेपाटन स्थित गुप्तेश्वर बहुमुखी क्याम्पसमा आयोजित प्रथम फुड फेस्टिबल सम्पन्न भएको छ । गण्डकी स्तरकै सामुदायिक स्तरबाट सञ्चालित पहिलो होटल व्यवस्थापन बिषयमा अध्ययन हुने उक्त क्याम्पस तथा होटल व्यवस्थापन कार्यक्रमका विद्यार्थीहरुको व्यवस्थापनमा दुई दिन चलेको फेष्टिवल शनिबार समापन भएको हो ।

यसैबिच, गण्डकी प्रदेश सरकारका अर्थ मन्त्री रामजी प्रसाद बराल जीवनले उक्त क्यापस तथा फेष्टिवलको अवलोकन गरेका छन् । क्याम्पसमा राखिएका विभिन्न ५ वटा स्टलका खानाका परिकारको मन्त्री बरालले अवालोकन गरेका क्याम्पसका सहायक क्याम्पस प्रमुख मोहन भण्डारीले बताए । क्याम्पस प्रमुख धर्मराज बराल, होटल व्याबस्थापनका इन्चार्ज आसिस पौडेल, होटल व्याबस्थापनका सहजकर्ता जितेन्द्र थापाले क्याम्पसको बारेमा तथा होटल व्याबस्थापनका बारेमा मन्त्री बराल समक्ष जानकारी गराएका थिए ।

उक्त फेष्टिवलमा स्वदेशी तथा विदेशी विभिन्न खानाका परिकारहरु, नृत्य प्रस्तुति, विविध मनोरञ्जनात्मक खेलकुद कार्यक्रम, साहित्यिक कार्यक्रम, साथमा विविध प्रस्तुतिहरु रहेको क्याम्पसका प्रशासन प्रमुख ऋषिराम बरालले बताए । होटल व्याबस्थापनमा करिब १ सय ५० जना बिद्यार्थीहरु अध्ययनरत रहेको क्याम्पसले जनाएको छ ।

यसैबिच, सांसद बिद्या भट्टराईले समेत क्याम्पस तथा क्याम्पसमा आयोजित फेष्टिवलको अवलोकन गरेका थिए ।