स्याङ्जा, ७ जेठ । नेकपा एमालेकी सचिव एवं गण्डकी प्रदेश ईञ्चार्ज पद्मा अर्यालको गृह जिल्ला हो स्याङ्जा । अर्यालको जिल्लामा एमाले पहिलो पार्टी बन्न सफल भएको छ ।
कूल ११ स्थानीय तह रहेको यो जिल्लामा ५ वटा नगरपालिका र ६ वटा गाउँपालिका छन् । गत वैशाख ३० गतेको स्थानीय तह निर्वाचनमा एमालेले ६ स्थानीय तह जित्दा काँग्रेस ५ स्थानीय तह जित्यो ।
एमालेले एउटा नगरपालिकामा प्रमुख र ५ वटा गाउँपालिकामा अध्यक्ष, उपाध्यक्ष दुवै जितेको हो । काँग्रेस महागठबन्धनको बलमा ४ वटा नगरपालिकाको प्रमुख, पाँचै नगरपालिकाका उपप्रमुख र एक गाउँपालिकामा अध्यक्ष र उपाध्यक्ष जितेको हो ।
नेकपा एमालेले वालिङ नगरपालिकाको प्रमुख, आँधिखोला गाउँपालिकामा अध्यक्ष र उपाध्यक्ष, कालीगण्डकी गाउँपालिकामा अध्यक्ष र उपाध्यक्ष, फेदीखोला गाउँपालिकामा अध्यक्ष र उपाध्यक्ष, विरुवा गाउँपालिकाको अध्यक्ष र उपाध्यक्ष, हरीनास गाउँपालिकाको अध्यक्ष र उपाध्यक्ष एक्लै जित्यो ।
पाँच दलीय गठबन्धन गरी चुनावी मैदानमा उत्रेको नेपाली काँग्रेसले गल्याङ नगरपालिका प्रमुख र उपप्रमुख, चापाकोट नगरपालिका प्रमुख र उपप्रमुख, पुतलीबजार नगरपालिकाप्रमुख र उपप्रमुख, भीरकोट नगरपालिका प्रमुख र उपप्रमुख, वालिङ नगरपालिकाको उपप्रमुख र अर्जुनचौपारी गाउँपालिकामा अध्यक्ष र उपाध्यक्ष जित्यो ।
नेकपा एमाले स्याङजाका अध्यक्ष सूर्यप्रसाद गैरे (पारस)ले गत स्थानीय तह चुनावमा ७ तह जिते पनि अहिले महागठबन्धनविरुद्ध एक्लै ६ तहमा जित्नु भनेको निकै राम्रो चुनावी नतिजा प्राप्त गरेको बताए । उनले महागठबन्धनलाई नै एक्लै पराजित गरी एमालेको किल्ला, स्याङ्जा जिल्ला बनाउन सकेको जिकिर गरे ।
सम्बन्धित खबर
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
चार दिनदेखि बन्द पोखरा अन्तर्राष्ट्रिय विमानस्थल खुल्यो
बागलुङमा आगलागीबाट ४ घरगोठ जलेर नष्ट
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
बुद्ध जयन्तीमा याङ्जाकोटमा मेला हुने
त्रिभुवन पौडेल स्मृति अक्षयकोषको लागि मञ्च गण्डकीको सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग