कास्की क्षेत्र नम्वर ३ (ख)का बाम गठबन्धनका साझा उम्मेदवार युवा नेता राजीव पहारीले आफ्नो क्षेत्रको विकासको खाका प्रस्तुत गरेका छन् ।

उनले प्रदेश ख को समग्र विकासका लागी सराकोट, कास्कीकोट, पुम्दीभुम्दी हुदै छोरेपाटन जोडने गरि चक्रपथ निर्माण गर्ने बताए ।

उनले प्राकृतिक, सांस्कृतिक, धार्मिक र पर्यटका हिसावले महत्वपूर्ण प्रदेश रहेकाले यहाँ स्रोत र साधनको प्रयोग गदै रोजगारीको सृजना गरि युवाहरुलाई विदेश जानुपर्ने बाध्यताबाट मुक्त गर्ने बताए । पहारीले प्रदेश नम्वर चारलाई समृद्ध बनाउने बताउदै बामगठबन्धन राजनीतिक स्थायित्व र समृद्धिका लागी भएको बताउदै त्यसका लागी आफुलाई विजय बनाउन आग्रह गरे ।

उनले देशमा राजनीतिक स्थायित्व र विकासका लागी गठबन्धनबाट आफुलाई जिताउन मतदातालाई आग्रह गरे । उनले कास्कीकोट पर्यटकीय सम्भावना बोकेको क्षेत्र भएको बताउदै पर्यटकीय गन्तब्यका रुपमा विकास गर्ने गरि अगाडी बढने बताए ।

कार्यक्रममा समानुपातिक उम्मेदवार मित्रकुमारी गुरुंग, माओबादी नेतृ गोमा ढकाल लगायतले बाम गठबन्धनलाई जिताउन आग्रह गरे ।

‘जसले फेवाताल संरक्षण छ, भोट उसैलाई’

निर्वाचनको प्रचारप्रसारमा उम्मेदवारहरु के बिहान ? के साँझ ? भ्याई नभ्याई छ । पोखराको लेकसाईडमा पर्यटक खचाखच हुन्छन् । अहिले भोट माग्न नेता कार्यकर्ताहरुको भिड पनि देख्न सकिन्छ ।

बाम गठवन्धन निर्वाचन परिचालन कमिटी लेकसाईडले आयोजना गरेको उम्मेदवार घरदैलो कार्यक्रममा युवा संघ केन्दीय अध्यक्ष तथा क्षेत्र नंं ३ प्रदेश ख का उम्मेदवार राजीव पहारीलाई बाटोमा आफु चुनावमा उठ्नुको कारण बताउँदै व्यस्त देखिन्थे ।

एक जना पुराना पर्यटन व्यवसायीले ‘अबको भोट फेवा ताल बचाउनेलाई’ भन्दै पहारीसँग हात मिलाउन आए । पछिल्लो समय फेवाताल अतिक्रमण र प्रदुषण भएको प्रति चिन्ता व्यक्त गर्दै पहारीले  ‘म अतिक्रमण भएको तालको जग्गालाई मुआब्जा दिएर ताल संरक्षण गर्दै हर्पन खोलाबाट आउने बालुवा ढुङ्गा रोक्न चेक ड्याम लगाउने छु’ भन्दै मत मागे ।

‘धेरै ले फेवा तालको नारा लगाएर मागी खाने भाँडो बनाए, अब त्यस्तो नहोस्’ भन्दै चिन्ता व्यक्त गरे । गौरीघाट अम्बोट ठाडोपसल ठाउँमा घरदैलो गर्दा अधिकांश मतदाताको भनाई ताल संरक्षणमा नै थियो ।