सागर आले मगर, नेपाल आइडल हुन त सकेनन् तर लोक गीत समेत गाउन सक्ने एकमात्र भर्सटायल सिंगर, जसले पहिलो अडिसनमै सालैजो गीत गाएर वाहवाही कमाए ।

अहिले देश विदेशमा उनको माग सालैजो गीतकै लागि समेत हुने गर्छ । उनै सागरले पहिलो सालैजो गाएको गीत र भिडियो सार्वजनिक भएको छ ।

सालैजोका नायक, लोक स्रस्टा तथा गायक शंकर विरही गुरुङले प्रायःजसो आफै गायक भएपनि राजु गुरुङसँग सहकार्य गर्थे । आफै नायक अनुहारका राजु सालैजोका बादशाह नै हुन् । अहिले भाका बनाउने राजु आफू नाचेर सागरलाई गीत गाउन दिएका छन् । शब्द शंकर विरहीको हो । राजु गुरुङको लयमा नेपाल आइडलका सर्बप्रिय गायक सागर आले र निकै राम्रो आवाजकी धनी एलिना गुरुङको आवाजमा असारे मैना बजारमा आएको छ । प्रकाश भट्टको निर्देशन रहेको छ ।

भिडियो सावजनिक भएको एक दिनमै आधा लाख भ्यु कटिसकेको छ ।

स्रस्टा शंकर विरही गुरुङले ले यस्तो लेखेका छन् ।

सालैजोका बादशाह राजु गुरुङसंग सहकार्य गर्दै गर्दा हालसम्म
सालैजो- हिमालमा बस्ने डाँफे र मुनाल,
सालैजो- हेर्दामा राम्रो पोखरा बजार,
सालैजो- देउराली भन्ज्याङ,
सालैजो- बरिखा लाऊँदा,
सालैजो- राम्दी पुल पारी लेखें र
सालैजो- हेर्दामा राम्रो पोखरा बजार र
सालैजो- राम्दी पुल पारी मैले गाएँ l 

सालैजो- राम्दी पुल पारीको सहकार्य पछि हिजो मात्र मेरो शब्द, राजु गुरुङको लयमा नेपाल आइडलका सर्बप्रिय भाइ सागर आले र निकै राम्रो आवाजकी धनी बैनी एलिना गुरुङको आवाजमा फेरी अर्को सालैजो गीत असारे मैना आएको छ, एक रात मै 33000+ भ्युज पाइसकेको यो गीतको सफलताको कामना ब्यक्त गर्दछु l

धन्यवाद राजु गुरुङ सर, सागर आले भाई र एलिना बैनी सहकार्य गर्ने मौका दिनुभएकोमा l गीत राम्रो बनाउन मिहिनेत गर्नुहुने कुमार राना लगायत मारुनी रेकर्डिङ स्टुडियो परिवार र भिडियो राम्रो बनाउन मिहिनेत गर्नुहुने प्रकाश भट्ट लगायत साइ भिजन प्रा. लि. परिवारलाई पनि सम्झिन चाहन्छु l