थ्रीस्टारले जित्यो इटहरी गोल्डकप, मनाङ १–० ले स्तब्ध, पोखरेली हेमन भए उत्कृष्ट मिडफिल्डर

थ्रीस्टारले जित्यो इटहरी गोल्डकप, मनाङ १–० ले स्तब्ध, पोखरेली हेमन भए उत्कृष्ट मिडफिल्डर

ThreeStar

इटहरी, १३ माघ / लक्ष्मी हुन्डाई मनाङ मस्र्याङ्दी क्लबलाई १–० ले हराउँदै झन्डै डेढ वर्षपछि घरेलु फुटबलमा पुनरागमन गरेको रुस्लान थ्री स्टार क्लबले मदन भण्डारी स्मृति इटहरी गोल्डकप फुटबल प्रतियोगिताको उपाधि जितेको छ ।

बुद्ध चेम्जोङले ३७ औं मिनेटमा गरेका गोलको अग्रतालाई जोगाउँदै थ्री स्टारले मोफसलको सर्वाधिक पुरस्कार राशीको इटहरी गोल्ड कप जितेको हो । एन्फाको कमजोरीका कारण झन्डै डेढ वर्षपछि फुटबलमा फर्केको थ्री स्टारले दोस्रो सहभागितामा उपाधि जित्न सफल भएको हो ।

यसै महिना धनगढीमा भएको नेपाल आइस सुदूरपश्चिमाञ्चल गोल्ड कपमा टोली क्वार्टरफाइनलबाट बाहिरिएको थियो । मनाङको हकमा भने यो वर्षको पाँचौं फाइनल थियो । टोलीले २ उपाधि जित्दा तीनमा उपविजेतामा चित्त बुझाउनुपर्यो ।

प्रतियोगिताकै उत्कृष्ट खेलाडी थ्रीस्टारका अनन्त तामाङ घोषित भए । उनले २५ हजार नगदसहित ४३ इन्चको टिभी समेत हात पारे । त्यस्तै उत्कृष्ट गोलरक्षक पनि थ्रीस्टारकै एलन न्यौपाने घोषित भए भने उत्कृष्ट डिफेन्डर मनाङका बिराज महर्जन घोषित भए ।

सर्वोत्कृष्ट खेलाडी थ्रीस्टारका अनन्त तामाङ

प्रतियोगिताकै सर्वोत्कृष्ट खेलाडी थ्रीस्टारका अनन्त तामाङ भए । उनले २५ हजार नगदसहित ४३ इन्चको टिभी समेत हात पारे । त्यस्तै उत्कृष्ट गोलरक्षक पनि थ्रीस्टारकै एलन न्यौपाने घोषित भए भने उत्कृष्ट डिफेन्डर मनाङका बिराज महर्जन घोषित भए ।

त्यसैगरी उत्कृष्ट मिडफिल्डर मनाङका हेमन गुरुङ घोषित भए भने उत्कृष्ट फरवार्ड थ्रीस्टारका अजयी मार्टिन्स घोषित भए । प्रतियोगिताको उदयीमान खेलाडी आयोजक राष्ट्रिय जागृति क्लबका बिजय राई घोषित भए भने सर्वाधिक गोलकर्ताको पुरस्कार समान ३–३ गोल गरेका अजयी मार्टिन्स, सुजल श्रेष्ठ र कर्ण लिम्बुले संयुक्त रुपमा हात पारे । उत्कृष्ट प्रशिक्षक भने थ्रीस्टारका मेघराज केसी घोषित भए । उत्कृष्ट व्यक्तिगत बिधातर्फका सबैले २०–२० हजार हात पारे ।

राष्ट्रिय जागृति क्लब, इटहरीको आयोजनामा सम्पन्न प्रतियोगितामा राष्ट्रिय तथा अन्तर्राष्ट्रिय गरी कुल ८ टोलीहरुको सहभागिता रहेको थियो ।

Pic. GoalNepal.com

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 4 seconds