काठमाडौं, २७ माघ / नेपाली राष्ट्रिय फुटबलर तथा रुस्लान थ्रीस्टार क्लबका कप्तान बिक्रम लामालाई काठमाडौंस्थित ग्राण्डी अस्पतालमा भर्ना गरिएको छ ।
शनिबार धरानमा सम्पन्न २० औं बुढासुब्बा गोल्डकपको फाइनल खेलका क्रममा खुट्टा भाँचिएपछि लामालाई हवाईजहाजमार्फत काठमाडौं पुर्याइएको थियो । पुलिससँगको फाइनल खेल्दा विपक्षी खेलाडी सँग ठोक्किएर उनको दायाँ नली खुट्टा भाच्चिएको हो । पहिलो हाफमा पुलिसका तेज तामाङसँग ठोक्किएका थिए । शनिबार साँझ नै काठमाडौं ल्याइएका विक्रमको दायाँ नली खुट्टाको आजै शल्यक्रिया हुँदैछ ।
क्लबका महासचिव सञ्जिव शिल्पकारका अनुसार डाक्टर चक्रराज पाण्डे नेतृत्वको टोलीले रातीनै शल्यक्रिया गर्नेछ । महासचिव शिल्पकारका अनुसार विक्रमलाई खेलमा फर्कन कम्तिमा पछि छ महिना लाग्नेछ । ‘सामान्य हिडडुलका लागि मात्र पनि तीन महिना लाग्न सक्छ’, शिल्पकारले भने,’खेलमा फर्कनका लागि छ महिना कम्तीमा लाग्ने अनुमान छ ।’
राष्ट्रिय टोलीका मिडफिल्डर समेत रहेका विक्रमको नेतृत्वमा थ्री स्टारले तीन सातामा ३ वटा नकआउट फाइनल खेलेको छ । माघको १२ गते मदन भण्डारी स्मृति इटहरी गोल्ड कपको उपाधि जितेको थ्री स्टारले अघिल्लो शनिबार पोखरामा आहा रारा गोल्डकप फुटबल प्रतियोगिताको फाइनल खेलेको थियो । तर पुलिससँगै १-० ले हारेको थियो । बुढासुब्बा थ्री स्टारको वर्षको दोस्रो उपाधि हो ।
Source: Hamro Khelkud/Kheldainik
सम्बन्धित खबर
पोखरा विश्वविद्यालय फुटबल प्रिमियर लिग जेठ १२ देखि १४ गतेसम्म
चापाकोटमा आजदेखि क्रिकेट लिग, उद्घाटन खेलमा ह्वाइट हर्ष र साँखर वरियर आमनेसामने
हरिनासमा आजदेखि आठौं अध्यक्ष कप खेलकुद प्रतियोगिता
वैशाख २६ देखि प्रथम चापाकोट क्रिकेट लिग हुँदै
बिरुवामा अध्यक्ष कप: वडा नं–६ ले जित्यो पुरुष भलिबलको उपाधि
छैटौं टाइगर कपमा २२ लाख ६५ हजार रुपैयाँ बचत
यो पनि पढौँ
प्रतिभाका पाँच विद्यार्थीले ल्याए उच्चतम् ४ जीपीए
शान्ति निकेतनका तीन विद्यार्थीको ४ जीपीए
मन्त्रालय घटाउने सरकारको निर्णय, कुन मन्त्रालय कहाँ गाभिए?
राष्ट्रिय सभामा अध्यादेश रोक्न विपक्षीको गृहकार्य