नेपाल खेलकुद पत्रकार मञ्च, कास्कीको आयोजनामा पोखरा सभागृहमा भएको तेस्रो टिभिएस अपाचे पोखरा स्पोर्टस् अवार्ड समारोहमा बर्ष उत्कृष्ट खेल संघबाट कास्की जिल्ला ब्याडमिन्टन संघलाई सम्मान गरियो ।

संघ सुविधासम्पन्न भौतिक पूर्वाधारमा जुटेको छ । संघलाई नगद १० हजार प्रदान गरियो । नेपाल पत्रकार महासंघ प्रदेश नं. ४ अध्यक्ष त्रिभुवन पौडेल लगायतले अवार्ड प्रदान गरे ।

कास्की जिल्लाभरका खेलकुद संघमध्ये उत्कृष्ट हुन सफल कास्की जिल्ला ब्याडमिन्टन संघले साढे ३ करोड लागतमा अहिले रंगशालामा पूर्वाधार निर्माण गरिरहेको छ । यसमध्ये आधा बजेट संघ आफैले व्यहोर्दैछ । ४० प्रतिशत काम सकिसकेको छ ।

२०५२ सालबाट यहाा सक्रिय संघले वार्षिक गतिविधि, साधारणसभा गर्दै आएको छ । इन्द्र बहादुर स्मृति ब्याडमिन्टन प्रतियोगितादेखि विभिन्न विद्यालय स्तरीय प्रतियोगिता समेत आयोजना गर्दै आईरहेको छ ।