अर्जेन्टिनालाई ४–३ ले पराजित गर्दै फ्रान्स विश्वकप फुटबल २०१८ को क्वाटरफाइनलमा पुग्ने पहिलो टोली बनेको छ।
रुसको कजान एरिना रंगशालामा शनिबार सम्पन्न संघर्षपूर्ण खेलमा किलियन एमबाप्पेले २ तथा एन्टोनियो ग्रिजम्यान र बेन्जामिन पाभर्डले १–१ गोल गरेपछि अर्जेन्टिनालाई फ्रान्सले स्तब्ध बनाएको हो।
अर्जेन्टिनाका लागि एन्जल डि मारिया, गाब्रियल मेरकाडो र सर्जियो अगुइरोले गोल गरेपछि टोलीलाई क्वाटरफाइनलमा लान सकेनन्। अर्जेन्टिना २०१४ को विश्वकपको फाइनलमा जर्मनीसँग १–० ले पराजित हुँदै उपविजेतामा चित्त बुझाउन बाध्य भएको थियो।
निकै रोमाञ्चक खेलमा फ्रान्सका लागि ग्रिजमानले पेनाल्टीमार्फत गोल गर्दै टीमलाई अग्रता दिलाएका थिए । तर, खेलको ४१ औं मिनेटमा अर्जेन्टिनाका लागि डि मारियाले बराबरी गोल फर्काए । पहिलो हाफ फ्रान्स र अर्जेन्टिनाबीचको खेल बराबरी भएको अवस्थामा अर्जेन्टिनाका लागि मार्काडोले गोल गर्दै टीमलाई२–१ को अग्रतामा पुर्याए ।
तर, ६४ औं र ६८ औं मिनेटमा मबापेले २ गोल गर्दै फ्रान्सलाई ४–२ को अवस्थामा पुर्याए । त्यसपछि लगातार फ्रान्सविरुद्ध गोलको प्रयास गरेको अर्जेन्टिनाका लागि सर्जियो अग्युरोले इन्जुरी समयमा सान्तना गोल गरे । त्यससँगै अर्जेन्टिना नकआउट चरणबाटै बाहिरिन बाध्य भयो ।
आजको खेलमा अर्जेन्टिनाको स्टार खेलाडी मेस्सीको कुनै जादु चल्न सकेन । अघिल्लो संस्करणको विश्वकपमा अर्जेन्टिना उपविजेता बनेको थियो । एगुएरोले दोस्रो हाफको इन्जुरी समयमा गोल गरेपनि टोलीको हार टार्न सकेनन्। विश्वकपपछि सन्याश लिने बताईसकेका अर्जेन्टिनाका मेसी विश्वकप उपाधिबिहिन बनेका छन्। उनले सिनियर राष्ट्रिय टोलीका लागि उपाधि जित्न सकेनन्।
सम्बन्धित खबर
आजदेखि ओलम्पिक सुरु, नेपालबाट ७ खेलाडीको सहभागिता
यू–२० बुद्धिचाल प्रतियोगिता: ईश्वर बने च्याम्पियन
यु २० बुद्धिचाल प्रतियोगिता : पहिलो दिन पाँचौ चरणका खेल सम्पन्न
महिला एशिया कप क्रिकेटमा नेपालको विजयी सुरुवात
पोखरामा यू–२० चेस प्रतियोगिता हुने
यमालले तोडे पेलेको ६६ वर्ष पूरानो कीर्तिमान
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग