वर्खाको समय । सेती नदिमा वहाव बढ्दो छ । पछिल्लो साता नदिमा वेवारिसे शव एकपछि अर्को देखा परिरहेका छन् । देखेभेटेसम्म प्रहरीले शव निकालेको छ । त्यसबाहेक प्रहरीले यसरी आत्महत्या गर्नेहरुको खोजीका लागि बढी समय खर्चनुपरेको छ । गत सातामात्रै तीन हप्ताको निरन्तर खोजीपछि पोखरा महानगरपालिकाका वरिष्ठ अधिकृत ओमराज पौडेलको शव तनहुँमा भेटिएको थियो ।
पोखरा सभागृह गेट नजिकै व्यवसाय गर्दै आएका फणिन्द्र ढुंगाना वेपत्ता भएका छन् । उनी वेपत्ता भएपछि प्रहरी फेरि सेती खोँचमै केन्द्रित भएको छ । इभा ट्रेडर्सका संचालक ३५ वर्षीय ढुंगाना शनिबार बेलुकीदेखि सम्पर्कविहीन भएका हुन् । कास्की धिताल घर भएका ढुंगानाका श्रीमती, छोरी र एक महिनाको छोरो छ ।
स्कुटर लिएर निस्केका ढुंगाना त्यसपछि घर फर्केनन् । उनको आफन्तले रातभर खोजी कार्य गरेपनि अत्तोपत्तो लाग्न सकेन । पोखराको चोरसाँघु नजिकै एसओएस स्कुल अगाडि उनको को २३ प ५७६८ नम्बरको स्कुटर फेला परेको ढुंगानाको पसल नजिकैको स्थानीयले बताए । उनको स्कुटरमा एउटा चिठ्ठी समेत फेला परेको छ । पुल नजिकै स्कुटर बेवारिसे अवस्थामा फेला पर्नु, त्यसमा परिवारका लागि सानो पत्र लेखेको भेटिनु र एक स्थानिय युवाले आफूले एक पुरुष झुलुक्क देखेको घटना सुनेपछि त्यहि पुलबाट हाम फालेको हुन सक्न आशंका प्रबल छ ।
जानकारहरुले उनको व्यवहार बिग्रेको र यसकै टर्चरका कारण चिन्तामा रहेको बताएका छन् । पत्रमा पनि बाहिरी मानिसको व्यवसायिक टर्चरले घर छोडेर हिँड्न बाध्य भएको उल्लेख गरेका छन् ।
यसैबीच, पोखराको चोर साँघुबाट मानिस हामफालेको आशंकामा नेपाल प्रहरी तथा सशस्त्र टोलीको रेस्क्यु टिमले खोजिकार्य शुरु गरेको छ । स्थानियका अनुसार चोर साँघु पुल नजिकै एक पुरुषले स्कुटर रोकेर पुलमा आएर चुरोट पिउँदै गरेको र पछि पुलबाट केही खसे जस्तो आवाज आएपछि त्यहाँ हेर्दा मान्छे देखिएन ।
कास्की प्रहरीले पनि घटनाको प्रारम्भिक अनुसन्धानलाई हेर्दा त्यहींबाट हाम्फालेको जस्तो देखिएको आशंका गरेको छ । पुल नजिकै स्कुटर भेटिनु, पुलमुनि रहेको घाँस मडारिनुका साथै भाँचिएको देखिनु र स्कुटर भित्र उनले लेखेको चिठ्ठी हेर्दा ढुंगाना नै हाम फालेको हुन सक्ने प्रहरीको आँकलन छ ।
बिहान १० बजेदेखि खोजीकार्यमा जुटेको प्रहरी र सशस्त्रको उद्धार टोलीले सो स्थानमा खोजी गर्दा फेला पार्न नसकेपछि ढुंगेसाँघु हुँदै दोबिल्लातर्फ अघि बढेको जनाएको छ । झन्डै डेढ सय मिटर गहिरो सेती खोंचमा जोखिमका बीच सशस्त्र टोलीका १ दर्जन रेस्क्यु टोलीले झन्डै साढे ३ घण्टासम्म प्रयास गर्दा केहि पत्तो लागेन ।
सम्बन्धित खबर
चार दिनदेखि बन्द पोखरा अन्तर्राष्ट्रिय विमानस्थल खुल्यो
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
बुद्ध जयन्तीमा याङ्जाकोटमा मेला हुने
त्रिभुवन पौडेल स्मृति अक्षयकोषको लागि मञ्च गण्डकीको सहयोग
श्रमको सम्मान नगर्नेहरू असभ्य नागरिक हुन्: मुख्यमन्त्री अधिकारी
कास्कीलाई सडक मानवमुक्त जिल्ला मनाइने
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग