तनहुँ । तनहुँ राइजिङ स्टार डान्स स्कुलले ल्याएको र्‍यापर भिटेनको ‘कथा’ गितको नयाँ कभर भिडियो अहिले चर्चामा रहेको छ । तनहुँ राइजिङ स्टार डान्स स्कुलले नयाँ कभर भिडियो शनिबार सार्वजनिक गरेको हो । ‘तनहुँ राइजिङ स्टार डान्स स्कुलले छाया मल्टिमिडिया संगको सहकार्यमा बजारमा ल्याएको यस कभर भिडियोलाई तनहुँको म्याग्दे ओटाङदिमा छायांकन गरिएको हो । उक्त भिडियोको कोरियोग्राफि तथा निर्देशन किरण थापाले गरेका हुन् ।

भिडियोमा किरण थापा, मुना मगर, झलक तिमल्सेना, मनिष परियार, दल बहादुर थापा र मन्जिल आलेले अभिनय गरेका छन् । भिडियोको छायांकन तथा सम्पादन संजित खनालले गरेका छन् भने एनिमेसन र कलरिङ झलक तिमल्सेनाले गरेका हुन् । तनहुँ राइजिङ स्टार डान्स स्कुलले यस अगाडी पनि किरण थापाको निर्देशन मार्फत धेरै कभर म्युजिक भिडियो ल्याइसकेका छन् ।

पछिल्लो समय हिपहप शैलीबाट युट्युबमा परिचित समिर घिसिङ ‘भिटेन’ यतिबेला युवापुस्ताका माझ निकै लोकप्रिय छन् । “कथा” बोलको गीतमा वैदेशिक रोजगारीको पीडा समावेश गरिएको छ । उनलाई गीतमा गायक धर्मेन्द्र सेवानले साथ दिएका छन् । यो गीत पनि भिटेनका पछिल्ला गीतहरु झै युट्युबको ट्रेन्डिङ १ मा पर्न सफल भएको थियो ।

उनका आधा दर्जन हिट गीतको भूमिका छ । ‘गरिब…’, ‘चुरोट…’, ‘बैनी…’, ‘लफंगा…’, ‘खलासी….’ ‘सिमसिमे पानिमा….’ आदि–आदि । र्‍याप धेरैले गाउँछन् तर शब्द, गायन शैली, टेक्निक अनि हुलिया, हरेक हिसाबले अलग छन् भिटेन । केहि समय अगाडि उनले ल्याएको नयाँ गीत ‘सिमसिमे पानीमा…’ रातारात युट्युबको ट्रेन्डिङमा आयो तर गीत कपिराइटको कारण युट्युबबाट हट्यो । “सिमसिमे पानीमा” प्रयोग भएको शब्दको आलोचना खेपेका भिटेन नयाँ गीत लिएर आएका हुन् ।

हेर्नुस् कभर भिडियो :

https://youtu.be/LGdpUgBwGf4