पोखरा । पोखराको लामाचौरमा १३ बर्षिया बालिका पुष्पा केसीको मृत्यु अस्वभाविक देखिएको छ । उनको हत्या र त्यस अघि बलात्कार समेत भएको स्थलगत अवलोकनका क्रममा जानेहरुको ठोकुवा छ ।
उनले लगाएको स्कुलको स्कर्ट फुकालिएको र दुई मिटर पर भेटिनु, झोला पनि टाढा फेला पर्नु, झाडी फाडिएको र मुठीले झारहरु समातेको अवस्थामा उनको शव भेटिएकाले यस शंकामाथि थप बल पुगेको छ ।
कंचनपुरकी १३ वर्षीया बालिका निर्मला पन्तको बलात्कारपछि हत्याको विरोधमा मुलुकमा नै आन्दोलन चर्किएको बेला पोखरामा उही प्रकृतिको घटना भएको छ । हत्या वा बलात्कारपछि हत्या बारे प्रहरी अनुसन्धानमै छ ।
विन्ध्यवासीनि मावि बाटुलेचौरमा कक्षा ६ मा अध्ययनरत पुष्पा शुक्रबार साँझ मृत फेला परेकी थिइन् । बिहीबार विद्यालयबाट फर्किदा बाटैबाट उनी बेपत्ता थिईन् । विद्यालयको बसले करिब साढे ५ बजे छाडेपछि उनी घर नपुगेपछि बिहीबार साँझबाटै परिवार र स्थानीयले उनको खोजी गरेका थिए ।
उनको खोजी गर्ने क्रममा शुक्रबार साँझ मृत अवस्थामा फेला परेकी छन् । पोखरा १९ फापरतरोमा केसी शव भेटिएको प्रहरीले जानकारी दिएको छ । उनको घर पोखरा १९ जिमेरे देखी करिब साढे दुई किलोमिटर पर शव भेटिएको हो ।
उनको झोला भने पोखरा १९ ढाडमा घर देखी करिब १ किलोमिटर पर भेटिएको थियो । उनको बलात्कार पछि हत्या भएको हुन सक्ने स्थानीयले बताएका छन् । उनको शब झारले छोपेको अवस्थामा भेटिएको थियो ।
सम्बन्धित खबर
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
एक महिने श्रीमदवीतक चर्चा एवं श्रीकृष्ण कथा प्रवचन सुरु
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग