पोखरा । पोखराका दुईवटा रेष्टुरेण्टमा विहिबार प्रशासनले सिल गरेको छ । अनुगमनका क्रममा अब्यवस्थित रुपमा रेष्टुरेण्ट चलाएको र सरसफाईमा ध्यान नदिएको भन्दै रेष्टुरेण्टमा ताला लगाएको हो । न्यूरोडमा रहेको जिन्जर गार्डेन र लेकसाईडको रेन्बो रेष्टुरेण्ट बन्द गरेको अनुगमन टोलिका सदस्य तथा जिल्ला प्रशासन कार्यालयका अधिकृत अनिल शाहीले जानकारी दिए ।
‘रेष्टुरेण्ट हेर्दा च्याट्ट छ । झकिझकाउ पनि राम्रै छ । तर किचन हेर्दा लठपत्र भेटियो, उनले भने–मानव स्वास्थ्यसँग असर पर्ने गरी फोहोर र किराहरु छन् ।’ भाँडा धुने ठाउँ र किचन एकैठाउँमा राखेका कारण बढी फोहोर भएको उनको भनाई छ ।
लेकसाईडको रेन्बो रेष्टुरेण्टमा कुहिएका मासु र तरकारीहरु भेटिएका थिए । ‘लामो समयदेखि सफा नगरेको किचन । आडैमा भाँडा धुने ठाउँ । दृष्य साह्रै घिनलाग्दो थियो, टोलिका सदस्य तथा उपभोक्ता मञ्च कास्कीका अध्यक्ष कपिलनाथ कोइरालाले भने–हामी त नाक थुन्दै किचन पसेका हौं । जोकोही किचन भित्र छिर्नै सक्दैन ।’
https://www.facebook.com/gandaknews/videos/2298619603488381/
मानव स्वास्थ्यमा गम्भीर लापरबाही गरेको उनको भनाई छ । जिन्जर गार्डेनलाई दुई दिनभित्र किचन ब्यवस्थित गर्न निर्देशन दिईएको छ भने रेन्बोलाई कागजपत्र सहित प्रशासनमा बोलाईएको छ । ‘यस्तो त रेष्टुरेण्ट नै हुँदैन । अवस्था हेर्दा कहिल्यै पनि चल्न नपाउने गरी बन्द गर्नुपर्ने हो, प्रशासन कार्यालयका अधिकृत शाही भन्छन्–रेष्टुरेण्ट वालालाई कागजपत्र लिएर हाजिर हुन भनेका छौं । त्यसपछि के कारबाही गर्ने निर्णय गरौंला ।’
कास्कीकी खाद्य निरीक्षक भुमिका प्रधानले रेष्टुरेण्टहरुमा म्याद गुज्रिसकेका सामान समेत भेटिएको बताईन् । ‘एकबर्ष अघि नै म्याद सकिएका सामान पनि रेष्टुरेण्टको स्टोरमा भेटिएका छन्, उनले भनिन्–यो सरासर उपभोक्ताको हित विपरित छ ।’ टोलिमा महानगरको प्रतिनिधी, पत्रकार लगायतको उपस्थिती थियो ।
अनुगमन टोलिले विहिबार नै न्यूरोडमा रहेको इनर्जी फुडमा पनि अनुगमन गरेको अनुगमनमा क्रममा केही सामानमा म्याद र रकम उल्लेख नभएको र केही चाहीँ म्याद नै गुज्रिसकेको अनुगमन टोलिले बताएको छ । सो पसललाई पनि ४ दिनभित्र पूरा विवरण सहित प्रशासनमा हाजिर हुन निर्देशन गरिएको छ ।
श्रोत:डिएनएनेपाल
सम्बन्धित खबर
एमाले कास्कीले शुभकामना आदानप्रदान तथा चियापान गर्ने
रास्वपाको आज पनि पोखरामा विरोध प्रर्दशन
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
छविलाई बुटवल लगियो, रविसँग सोधपुछ सुरू
रास्वपाको प्रदर्शनमा आफू आफैबीच कुटाकुट
ल्वाङमा बन्यो १९ फिट अग्लो बुद्ध मूर्ति
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन