आईसीसी विश्वकप टी–२० एसिया उपक्षेत्रीय छनोट प्रतियोगिताको विजेता बन्दै नेपाल अघिल्लो चरणमा प्रवेश गरेको छ । सिंगापुरसँग शुक्रवार भएको अन्तिम खेल वर्षाले प्रभावित भएपछि नेपाल नेट रनरेटका आधारमा विजेता बनेको हो । ६ खेलबाट समान ११ अंक जोडेको सिंगापुर उपविजेता बनेको छ ।
८२ रनको लक्ष्य पछ्याउने क्रममा नेपालले ३ बल मात्र खेल्दा पानी परेपछि खेल रोकिएको थियो । नेपालले ३ बलमा १ विकेट गुमाएर १ रन जोडेको थियो । अनिल साह रनको खाता नै नखोली आउट भएका हुन् । खेल रोकिँदा क्रिजमा कप्तान पारस खड्का र विनोद भण्डारी थिए ।मलेसियाको क्वालालाम्पुरमा यसअघि टस हारेर पहिले ब्याटिङको निम्तो पाएको सिंगापुर १७ ओभर ३ बलमा ८१ रन जोड्दा अलआउट भएको थियो ।
सिंगापुरलाई सस्तैमा समेट्ने क्रममा सन्दीप लामिछानेले ४, सोमपाल कामी र करण केसीले समान २ तथा वसन्त रेग्मी र ललितनारायण राजवंशीले १-१ विकेट लिए । सिंगापुरका लागि सुरेन्द्रन चन्द्रमोहनले सर्वा्धिक २५ तथा मनप्रित सिंह र सिद्धान्तले समान १० रन जोड्नुबाहेक कुनै पनि ब्याट्सम्यानले दोहोरो अंक छुन सकेनन् ।
प्रतियोगिताबाट नेपाल, सिंगापुर र मलेसिया अघिल्लो चरणमा प्रवेश गरेका छन् । एसियाको पश्चिम क्षेत्रीय छनोटबाट युएई, कतार र कुवेत दोस्रो चरणमा प्रवेश गरिसकेका छन् ।
अब यी छ टोलीबीच दोस्रो चरणको छनोट प्रतियोगिता हुनेछ । सो प्रतिस्पर्धाबाट शीर्ष दुई टोली अन्तिम चरणको छनोटका लागि छानिने छन् । अन्तिम चरणमा विश्वभरबाट छानिएका १४ टोलीबीच प्रतिस्पर्धा हुने छ । १४ मध्ये छ टोली टी–२० विश्वकप २०२० का लागि छनोट हुनेछन् । विश्वकप टी-ट्वान्टी सन् २०२० मा अष्ट्रेलियामा हुँदैछ ।
कीर्तिमानी सन्दीप
सन्दीप लामिछमाने एकै प्रतियोगितामा नेपालको लागि सर्वा्धिक विकेट लिने खेलाडी बनेका छन् । उनले प्रतियोगिता भरी कुल २४ विकेट लिए । शुक्रबार सिंगापुरसँगको खेल अगाडि सन्दिपले ५ खेलमा २० विकेट लिइसकेका थिए । शुक्राबार चार विकेट थप्दै सन्दीप नेपालका किर्तीमानी बलर बनेका हुन् ।
यसअघि बसन्त रेग्मीले २०१२ को विश्व क्रिकेट लिग डिभिजन-४ मा २१ विकेट लिएका थिए । सो प्रतियोगिता पनि मलेसियामा नै भएको थियो ।
सम्बन्धित खबर
अर्जुन कुमालको कप्तानीमा गण्डकी क्रिकेट टोली घोषणा
काठमाडाैंदेखि पाेखरासम्म अर्जुनको दाैड
नेपालको कीर्तिमानी जित, माल्दिभ्सको पोष्टमा ११ गोल
स्याङ्जा आईसीसी कपको उपाधि बिरूवालाई
स्याङ्जा आईसीसी कप: उपाधिका लागि विरुवा र पुतलीबजार भिड्ने
अमेरिकाविरुद्ध टी–२० सिरिजमा नेपालको ‘क्लिन स्विप’
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते