लेखनाथ । पोखरा – २७, लेखनाथमा आयोजित ‘सिनियर मिनि म्याराथन’ मा पुरुषतर्फ मनकाजी पुन र महिलातर्फ सुमित्रा बस्ताकोटीले प्रथम स्थान प्राप्त गरेका छन् ।
बडादशैंको अवसरमा स्थानीय सृजनशिल युवा क्लबले शनिबार आयोजना गरेको उक्त म्याराथन खोलाकोडिल–जरुवा–घैंटेकोखोर–खराने बिर्ता हुँदै पुनः खोलाकोडिलमै पुगेर ३ हजार ५ सय दुरीमा प्रतिष्पर्धा गराइएको थियो ।
‘विकास अनुशासन र गतिशिलता, स्वस्थ समाज हाम्रो प्रतिवद्धता’ भन्ने नाराका आयोजित प्रतियोगितामा पुरुष समूहमा ४५ जना र महिला समूहमा ३९ जना सहभागी थिए । ७५ वर्षसम्मका बृद्धबृद्धाले समेत प्रतिस्पर्धामा भाग लिएर कार्यक्रमलाई रोमाञ्चक बनाए ।
पुरुष समूहको दौडमा ४२ वर्षीय पुनले १६ मिनेट ३० सेकेण्डमा उक्त दुरी पार गरी प्रथम बने । २१ मिनेट २ सेकेण्ड समयमा दुरी पार गरेर महिलासमूहबाट ३८ वर्षीया बस्ताकोटी प्रथम बनिन् । महिला पुरुष दुबै समूहका प्रथम उपाधि बिजेताले नगद ५/५ हजार रुपैयाँ, मेडल र प्रमाणपत्र प्राप्त गरे ।
पुरुष समूहबाट ३७ वर्षीय अकबहादुर पुन १६ मिनेट ४४ सेकेण्ड समयमा दोस्रो बने । महिलातर्फ ३६ वर्षीया उमा दमाई २१ मिनेट १९ सेकेण्ड समयमा दुरी पार गरी दोस्रो बनिन् । उनीहरुले नगद ३/३ हजार रुपैयाँ, मेडल र प्रमाणपत्र हात पारे ।
१७ मिनेट ५ सेकेण्ड समयमा पुरुष समूहबाट ४२ वर्षीय गोविन्द वाग्ले तेस्रो बन्न सफल भए । त्यस्तै, २२ मिनेट ७ सेकेण्ड समयमा उक्त दुरी पार गरी ४० वर्षीया सुनिता क्षेत्री महिला समूहबाट तेस्रो बन्न सफल रहिन् । तेस्रो स्थान प्राप्त गर्न सफल भएकाहरुले नगद २/२ हजार रुपैयाँ, मेडल र प्रमाणपत्र प्राप्त गरे ।
कार्यक्रममा जिल्ला खेलकुद विकास समितिका कार्यालय प्रमुख प्रकाश बराल, पोखरा महानगर २७ वडाध्यक्ष पूर्णकुमार गुरुङ, स्थानीय टोल विकास संस्थाका प्रतिनिधिले बिजेतालाई उपाधि प्रदान गरे ।
आयोजकले कार्यक्रमको निर्देशिका बमोजिम पुरुषतर्फ ३५ र महिलातर्फ ३० वर्ष उमेर माथिका व्यक्तिहरुलाई मात्र प्रतिस्पर्धामा सहभागि गराएको क्बलका अध्यक्ष महेश अधिकारीले जानकारी दिए ।
सम्बन्धित समाचारः
सम्बन्धित खबर
अर्जुन कुमालको कप्तानीमा गण्डकी क्रिकेट टोली घोषणा
काठमाडाैंदेखि पाेखरासम्म अर्जुनको दाैड
नेपालको कीर्तिमानी जित, माल्दिभ्सको पोष्टमा ११ गोल
स्याङ्जा आईसीसी कपको उपाधि बिरूवालाई
स्याङ्जा आईसीसी कप: उपाधिका लागि विरुवा र पुतलीबजार भिड्ने
अमेरिकाविरुद्ध टी–२० सिरिजमा नेपालको ‘क्लिन स्विप’
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते