पोखरा १८ सिम्पानी पाखाको जग्गा तालबराही गुठीकै भएको सर्वोच्न अदालतले फैसला गरेको छ । पुस्तौंदेखि उपभोग गर्दै दावी गर्ने पोखरा ६ बैदामका डिलबहादुर ढकाल, हरिबहादुर ढकाल, दलबहादुर ढकाल, धनुमाया ढकाल र जगतबहादुर लामिछानेले सर्वोच्चमा उजुरी गरेका थिए ।
सिम्पानी पाखोमा कित्ता नम्बर ४ सय १९ को करिब ७१ रोपनी जग्गा मन्दिरको नाममा रहेको गुठी व्यवस्थापन समितिका अध्यक्ष हिक्मतबहादुर कँुवरले जानकारी दिए । २०६८ सालमा मुद्दा परेपछि कुनै भौतिक निर्माणको काम हुन नसकेको बैदाम खहरेचोकमाथि सिम्पानी पाखोको उक्त जग्गामा आधुनिक वृद्धाश्रम लगायतका संरचना बनाउन बाटो खुलेको छ ।
सर्वोच्च अदालतका न्यायाधीश केदारप्रसाद चालिसे र तेजबहादुर केसीको संयुक्त फैसलामा गुठी संस्थान सञ्चालक समितिको निर्णयबाट निवेदकको कुनै पनि कानुनी तथा संवैधानिक हकमा आघात नपरेको उल्लेख छ । सर्वोच्चले हकदैयाको अभावमा दायर भएको रिट निवेदन २०७४ पुस १४ गते खारेज गरेको हो ।
सुरु सुरुमा बिक्री गर्न नपाउने गरी जग्गा भोग गरेबापत् मन्दिरको छानाको लागि खर र भाटा दिने, वार्षिक पूजामा चढ्ने बलि सफा गर्न १ भारी दाउरा बुझाउने शर्त कायम गरिएको देखिन्छ । अहिले मन्दिर पक्की बनेको र बलि प्रथासमेत अन्त्य भएकोले ३ वटै सामग्री दिन नपर्ने भएकोले अब निवेदकको कुनै दायित्व नभएको स्थलगत प्रतिवेदनबाट देखिएको फैसलामा उल्लेख छ ।
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
पर्यटकको चाप बढ्न नसक्दा पोखराका पर्यटन व्यवसायी चिन्तित
पोखराको सहिदचोकमा प्रहरीको पेट्रोल पम्प निर्माण रोक्न अन्तरिम आदेश
एमाले कास्कीले शुभकामना आदानप्रदान तथा चियापान गर्ने
रास्वपाको आज पनि पोखरामा विरोध प्रर्दशन
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते