श्यामशितल परियार, लमजुङ । शिक्षकले सबैभन्दा पहिले विद्यार्थीलाई पढ्नुपर्ने सरोकारवालाहरुले बताएका छन् । सुन्दरबजार नगरपालिका वडा नं ६ मा रहेको सयपत्री आवसीय माविमा आयोजित एक शैक्षिक अन्तरक्रिया कार्यक्रममा बोल्दै उनीहरुले विद्यालयमा सबैभन्दा पहिले शिक्षकले विद्यार्थीलाई पढी उनीहरुलाई पढाउनुपर्ने बताएका हुन् ।
कार्यक्रममा बोल्दै सुन्दरबजार नगरपालिकाका प्रमुख जनकरा मिश्रले विद्यालयमा शिक्षकले पहिले विद्यार्थीलाई पढ्नु जरुरी रहेको बताए । ‘शिक्षकले विद्यार्थीको मनोभावना बुझ्नु जरुरी छ । उसको मनोभावना बुझी पढाउन सके मात्रै पढाईप्रति विद्यार्थीको ध्यान खिच्न सकिन्छ,’ उनले भने ।
शिक्षकले प्रविधिको उच्चतम प्रयोग गरी शिक्षण गराउनुपर्नेमा समेत उनले जोड दिएका छन । अव विस्तारै नगरमा रहेका सबै मावि विद्यालय आवसीय रुपमा जानुपर्ने अवस्था आएको पनि उनले बताएका छन ।
विकासको मुख्य जड नै शिक्षा रहेकाले नगरमा शिक्षाको विकासका लागि नगरपालिकाले दिल खोलेर लगानी गर्नेसमेत बताए । ‘शिक्षा क्षेत्रमा लगानी गरिनेछ । तर त्यसको आशातित परिणाम आउनुपर्छ । यसका लागि सबै एक भई अघि बढ्नु आवश्यक छ,’ उनले भने ।
विद्यालयको समग्र पक्षको विकासको विषयमा केन्द्रीत विद्यालयले सरोकारवालाबीचमा शनिबार शैक्षिक अन्तरक्रिया गरेको हो । कार्यक्रमकै अवसरमा बोल्दै सामाजिक अभियन्ता एवम् सर्वोदय श्रेवाआश्रमका अध्यक्ष कृष्णराज ओलियाले विद्यालयले विद्यालयमा विद्यार्थी झिकाउने, टिकाउने, सिकाउने र बिकाउने खालको शिक्षा दिनु अत्यावश्यक रहेको बताए ।
यसैगरी, विद्यालयका प्रिन्सीपल ज्ञानेन्द्र शर्माले सयपत्री मावि सार्वजनिक शैक्षिक गुठीमा दर्ता भई सञ्चालन भएको बताए । विद्यालयको शैक्षिक स्तर माथि उकास्नका लागि विद्यालयले योजना बनाएको र ती योजना प्रभावकारी ढंगले कार्यान्वयन गर्ने पक्षमा विद्यालय रहेको समेत उनले जानकारी गराए ।
‘आचारसंिहता निर्माण गरिनेछ । प्रिन्सीपलसंग व्यवस्थापन समिति र शिक्षकसंग प्रिन्सीपलले वार्षिक शैक्षिक करार सम्झौता गर्नेछन् । वर्षभरी आफुले गरेका शैक्षिक प्रतिवद्धता पुरा गर्ने दिशामा हामीहरु दत्तचित्त भई अघि बढ्नेछौँ,’ उनले भने ।
शैक्षिक सामग्रीसहितको नियमित शैक्षिक क्रियाकलाप अघि बढाईने समेत उनले बताएका छन । विद्यालयका नवअध्यक्ष विष्णुकुमार श्रेष्ठले विद्यालयलाई प्रगतिपथमा लैजान सबैसंग सहकार्य र सहमतीका साथ काम गर्ने प्रतिवद्धता व्यक्त गरेका छन ।
कार्यक्रममा बोल्दै सरोकारवालाहरुले बोल्दै नगरपालिकामा शिक्षाको स्तर माथि उकास्नका लागि सामुदायिक र नीजि दुवै विद्यालयबीच सहकार्यका साथै स्वस्थ प्रतिष्पर्धा हुनुपर्ने बताएका छन् । शैक्षिक विकासका लागि सबै जुट्नुको विकल्प नरहेको समेत उनीहरुले बताएका छन् ।
सम्बन्धित खबर
श्रीमानको कुटाइबाट घाइते उजेलीको पोखरामा मृत्यु
पहिरोले बेँसीसहर–चामे सडक अवरुद्ध
[अपडेट] त्रिशूलीमा ट्याक्सी खस्दा मृत्यु भएका ५ जनाको परिचय खुल्यो,
लमजुङमा बालिकालाई जबर्जस्ती करणी गर्न खोज्ने पक्राउ
पसगाउँ हेर्नुहोस् १२ तस्वीरमा
लमजुङमा पसगाउँ महोत्सव सुरु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग