पोखरा : गण्डकी प्रदेशका सांसद मन वहादुर गुरुङले कास्कीको पर्यटकिय गाउँ सिक्लेस गुरुङको मौलिक संस्कार, संस्कृति र परम्पराले ऐतिहासिक गाउँ भएको बताउँदै गुरुङहरुको ईतिहास बुझ्न सोहि ठाउँ जान सुझाव दिएका छन् । मादी गाउँपालीका वडा नम्बर १ रिसफ्लु सिक्लेसमा निर्माणाधीन चिली (सिक्लेस) क्होइवोको शिलान्यास गर्दै सांसद गुरुङले यस्तो बताएका हुन् ।

पुरोहित पच्यु , ल्हौउरी सिक्न सिक्लेस जानुपर्ने भन्ने मन्यता आम गुरुङ समुदायमा रहेको भन्दै सिक्लेस क्होइवो निर्माणवाट यस बिश्वासलाई थप टेवा पुग्ने धारणा ब्यक्त गरे । सिक्लेसमा गुरुङको इतिहास खोज्दै गयो भने पाउने तर नदेखिने अवस्थामा रहेको बताउँदै सिक्लेस क्होइबो निर्माण सम्पन्न भएपछि सहज हुने बताए । चिली क्होइवो निर्माणको लागि हालसम्म करिव ७० लाख संकलन भइसकेको छ ।

क्होइवो निर्माणको लागि सिक्लेस घर भई पोखरा लालीगुरासटोल निबासी नन्दराज गुरुङको परिवारले वावा र आमाको स्मृतिमा १० लाख २५ हजार, निर्माण समितिका प्रमुख एबम परिकल्पनाकार बल बहादुर गुरुङले १० लाख १० हजार ९ सय ५ रुपैया, तमु प्ये ल्हु संघका केन्द्रीय उपाध्यक्ष पम वहादुर गुरुङले आफ्ना बाबा आमाको स्मृतिमा नगद १० लाख १० हजार ८ सय ७० सहयोग गरेका छन् ।

आर्थिक संकलन समितिका कोषाध्यक्ष फिम वहादुर गुरुङका अनुसार नगद १ देखि १० हजारसम्म सहयोग गर्नेहरु ३४ जना, १० हजारदेखि १५ हजारसम्मा सहयोग गर्नेहरु २० जना, १५ हजारदेखि २५ हजारसम्मा सहयोग गर्नेहरु ११ जना, २५ हजारदेखि ५० हजारसम्मा सहयोग गर्नेहरु ७ जना, ५० हजारदेखि १ लाखसम्मा सहयोग गर्नेहरु ८ जना र १ लाख भन्दा बढि सहयोग गर्नेहरु २८ जना भएका छन् ।

क्होइवो करिब १ करोड ३० लाखको लागतमा निर्माण हुने निर्माण समितिका प्रमुख बल बहादुर गुरुङले जानकारी दिए । तमु प्ये ल्हु संघ क्होइवो निर्माण समिति सिक्लेसका अध्यक्ष सुरज कुमार गुरुङको अध्यक्षतामा भएको कार्यक्रममा तमु प्ये ल्हु संघ केन्द्रीय उपाध्यक्ष पम बहादुर गुरुङ , मानवशास्त्री पोल वहादुर गुरुङ र निर्माण समितिका उपाध्यक्ष इच्छा वहादुर गुरुङ लगायतले बोलेका थिए ।