पोखरा । पोखराका क्रियाशिल पत्रकार ऋषिराम बराललाई ‘टंकादेबी तुलसीप्रसाद स्मृति पत्रकारिता’ पुरस्कार प्रदान गरिने भएको छ । पत्रकार महासङ्ग कास्कीद्धारा सञ्चालित तथा पोखरा–५ निवासी सुवर्णप्रसाद कोइराला परिवारजनद्धारा स्थापित सो पुरस्कारको राशी रु. २५ हजार, सम्मानपत्र र दोसल्ला छ।

दुई दशकदेखी पोखरालाई कर्मथलो बनाएर सञ्चार क्षेत्रमा आवद्ध रहनुभएका बराललाई पत्रकारिता मार्फत समाज रुपान्तरणमा भूमिका खेलेकोमा सो पुरस्कारबाट पुरस्कृत गर्ने निर्णय गरिएको महासङ्गका अध्यक्ष दीपेन्द्र श्रेष्ठले जानकारी दिए । पत्रकार बराल दि हिमालयन टाईम्स र आदर्श समाज दैनिकमा कार्यरत छन् ।

प्रेस स्वतन्त्रता सेनानी कुसुमकेशव पराजुली संयोजक तथा पत्रकारहरु रमेश पौडेल , जमुना बर्षा शर्मा सदस्य र महासंघका अध्यक्ष श्रेष्ठ र सचिव रामप्रसाद तिमिल्सेना पदेन सदस्य रहेको प्रतिभा छनोट समितिको सिफारिसलाई महासङ्गको आजको बैठकले अनुमोदन गरि बराललाई सो पुरस्कार अपर्ण गर्ने निर्णण गरेको हो ।

यहि बैशाख २४ गते ‘राष्ट्रिय पत्रकारिता दिवस’को दिन सो पुरस्कार अर्पण गरिने महासंघका सचिव रामप्रसाद तिमिल्सिनाले जानकारी दिए । बरालले वि.सं. २०५६ मा आदर्श समाज दैनिकबाट पत्रकारितामा शुरु गरेका थिए ।