श्यामशितल परियार, लमजुङ । लमजुङको सुन्दरबजार नगरपालिका–२, परेवाडाँडाका किसानलाई बंगुरको पाठा प्रदान गरिएको छ । सुन्दरबजार नगरपालिका पशु सेवा शाखाले स्थानीय दलित, विपन्न र भुकम्प प्रभावित ३० जना किसानलाई धराने कालो जातको बंगुरको पाठा प्रदान गरेको हो ।
दलित, विपन्न किसानलाई व्यावसायिक बंगुरपालनमा लागी आय–आर्जन बढाई जीवनस्तर उकास्नप्रोत्साहन स्वरुप प्रति किसानलाई एक/एक वटा बंगुरको पाठा वितरण गरिएको सुन्दरबजार नगरपालिका पशु सेवा शाखाका प्रमुख डा.शुलव चौधरीले जानकारी दिए ।
उहाँका अनुसार धरानबाट प्रति बंगुरको पाठा ६ हजार मूल्यमा खरिद गरी ल्याई गाउँमै पुगी किसानलाई निःशुल्क बंगुरको पाठा वितरण गरिएको हो । बंगुरको पाठा पाएका प्राय सबै किसानको बंगुर पाल्ने खोर छ ।
सुन्दरबजार नगरपालिका वडा नं २, परेवाडाँडाका वडाअध्यक्ष जगतबहादुर खड्का, सुन्दरबजार नगरपालिका कार्यपालिका सदस्य शान्ता भुजेल र पशु सेवा शाखा प्रमुख डा. चौधरीले संयुक्त रुपमा किसानलाई बंगुरको पाठा वितरण गरेका हुन् ।
बंगुरको पाठा पाउँदा किसानहरु खुशी भएका छन् । ‘निःशुल्क बंगुरको पाठा पाउँदा खुशी मिलेको छ । अब व्यावसायिक ढंगले बंगुरपालन गरी आम्दानी बढाई जीवनस्तर माथि उकास्न लागिपर्छौँ,’ स्थानीय किसान हिरा कुमालले भनिन् ।
सम्बन्धित खबर
बेँसीसहर–चामे सडक अवरुद्ध
लमजुङको यूनिभर्सल एकेडेमीका आयुष र आयुष्माले ल्याए ४ जिपिए
लमजुङ पहिरो [अपडेट] : एकै घरका चारै जनाको शव निकालियो
लमजुङमा चट्याङ लागेर एक जनाको मृत्यु, एक घाइते
लमजुङ पहिरो: बेपत्ता वृद्धको शव भेटियो, तीन जना अझै बेपत्ता
लमजुङमा पहिरो : एकजनाको मृत्यु, ४ बेपत्ता, २ घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग