पोखरा । पोखरा महानगरपालिकाले बजारमा टाँसिएका होर्डिङ बोर्ड हटाउन थालेपछि परिचय एड्भर्टाइजका सोभित बस्यालसमेतल उच्च अदालत पोखरामा दायर गरेको रिटखारेज भएको छ । महानगरले गत चैत ५ गते परम्परागत होर्डिङ बोर्ड हटाएर डिजिटल बोर्ड राख्न गरेको निर्णय विरुद्ध गत चैत १२ गते दायर गरिएको रिट खारेज गरिएको हो ।
आदालतमा महानगरको निर्णय बिरुद्ध परेको रिट खारेज भएसँगै अब महानगरलाई पुन बजारमा अस्तव्यस्त देखिने गरी टाँगिएका होर्डिङ बोर्ड हटाउन बाटो खुलेको छ । अदालतमा रिट दायर भएपछि गत चैत १३ गते न्यायाधीश रामचन्द्र यादवको एकल इजलाशबाट विपक्षीका नाममा कारण देखाउसहित अन्तरिम आदेश भएपछि महानगरले होर्डिङ बोर्ड हटाउने काम रोकेको थियो ।
आइतबार न्यायाधीश विनोद शर्मा र नरबहादुर शाहीको संयुक्त इजलाशले उक्त रिट खारेज गरिदिएको हो । निवेदकको तर्फबाट वरिष्ठ अधिवक्ता यदुनाथ खनाल, अधिवक्ताद्वय दामोदर अधिकारी र स्वागत नेपालले बहस गरेका थिए भने महानगरको तर्फबाट वरिष्ठ कानुन अधिकृत नारायण शर्मा र अधिवक्त कमल अर्यालले बहस गरेका थिए ।
अदालतले रिटमा उल्लेख भए अनुसार महानगरले उद्योग धन्दा व्यवसाय गर्ने हक नखोसेको भन्दै रिट खारेज गरिदिएको हो ।महानगरले सार्वजनिक ठाउँमा टाँसिएका होर्डिङबोर्ड हटाउन सुरु गरेको थियो । सार्वजनिक निजी साझेदारीमा डिजिटल होर्डिङ बोर्ड राख्न महानगरले टेन्डर आह्वान गरिसकेको छ ।
सम्बन्धित खबर
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग