पोखरा । पोखरा विश्वविद्यालयका उपकुलपतिको अनुहारमा कालो मोसो दलिएको बिषयमा ध्यानाकर्षण गर्दै नेपाल राष्ट्रिय प्राध्यापक संगठन, गण्डकी प्रदेश र नेपाल प्रगतिशील प्राध्यापक संगठन गण्डकी प्रदेशले सयुक्त रुपमा विज्ञप्ति जारी गरेको छ । गत वैशाख १७ गते उपकुलपति प्रा. चिरञ्जीवी शर्माको अनुहारमा छापामार शैलीमा कालोमोसो दल्ने काम निन्दनीय र भर्तसनायोग्य रहेको भन्दै सोमबार विज्ञप्ति जारी गरिएको हो ।

‘आफ्ना मागलाई शान्तिपूर्ण रुपमा राख्ने अवसर र विश्वविद्यालयले प्रदान गर्दागर्दै विश्वविद्यालय वाहिर एकान्तमा अत्यन्त कुर शैलीमा आक्रमण गर्ने कार्यले लोकतान्त्रिक पद्वतिलाई नै कुठराघात गरेको छ’ विज्ञप्तिमा भनिएको छ ।
संगठनले उपकुलपति माथि भएको हिंसात्मक घटनाप्रति गम्भीर ध्यानाकर्षण गर्दै उक्त घटनाप्रति आपत्ति प्रकट गरेको छ । विश्वविद्यालय जस्तो प्राज्ञिक र गरिमामय संस्थाका सम्माानित उपकुलपतिमाथि विश्वविद्यालय वाहिर सामाजिक, सांस्कृतिक तथा पारिवारीक भ्रमणको क्रममा छापामार शैलीमा कालोमोसो दल्ने काम निन्दनीय र भर्तसनायोग्य रहेको विज्ञप्तिमा उल्लेख छ ।

सम्बन्धित समाचार :-

http://gandaknews.com/upkulpati-sharma-kalomoso/