पोखरा । नेपाल पत्रकार महासङ्ग गण्डकी प्रदेश समितिका अध्यक्ष त्रिभुवन पौडेल थमन महेश स्मृति पत्रकारिता पुरस्कार २०७५ बाट सम्मानित भएका छन् । पोखराबाट प्रकाशित हुने स्वाभिमान साप्ताहिकका तत्कालीन सम्पादक थमन परियार तथा अर्का सञ्चारकर्मी महेश पहारीको स्मृतिमा तत्कालीन क्रान्तिकारी पत्रकार संघले स्थापना गरेको पुरस्कारबाट यसबर्ष पौडेल सम्मानित भएका हुन् ।

पत्रकार पौडेललाई नगद २५ हजार रुपैँया, ताम्रपत्र तथा दोसल्लासहितको पुरस्कारले सम्मान गरिएको छ ।
विसं २०५७ सालमा स्वाभिमान साप्ताहिकबाट पत्रकारितामा प्रवेश गरेका पौडेल विसं २०५९ सालदेखी पोखरा हटलाईन दैनिकको संवाददाता हुँदै हाल सम्पादक छन् । उनले रेडीयो अन्नपूर्ण, नेपाल टेलिभिजन, युगप्रवाह साप्ताहिकमा पनि काम गरिसकेका छन् ।

क्रान्तिकारी पत्रकार संघको संस्थापक उपाध्यक्ष रहेका पौडेल जनयुद्धकाल देखीनै जनपक्षिय पत्रकारिता क्रियाशिल थिए । पत्रकार महासंघ कास्की शाखाको दुई कार्यकाल सचिव भएर महासंघको भवन निर्माणमा उल्लेखनीय योगदान गरेका पौडेल उपाध्यक्षमा निर्वाचित भएको केही महिनापछि पत्रकार महासंघ गण्डकीको अध्यक्षमा निर्वाचित भएका थिए ।

तत्कालीन क्रान्तिकारी पत्रकार संघले स्थापना गरेको उक्त पुरस्कार प्रेस सेन्टर कास्कीले सञ्चालन गर्दै आएको थियो । तर, अवबाट प्रेस सङ्गठन नेपाल कास्कीले सञ्चालन गर्ने भएको छ ।