गण्डकी प्रदेश सभाको बर्खे अधिवेशन सुरु भएको छ । २ जेठमा बसेको मन्त्रिपरिषद् बैठकको निर्णयअनुसार प्रदेशप्रमुख बाबुराम कुँवरले बुधबार दिउँसो १ बजेका लागि बैठक आह्वान गरेका थिए ।बैठक सुरु भएसँगै सभामुख नेत्रनाथ अधिकारीले प्रदेशप्रमुखको कार्यालयको पत्र पढेर सुनाएका थिए ।
त्यसपछि दलका नेताहरूले भनाइ राखेका थिए । बैठकमा सरकारतर्फबाट आन्तरिक मामिला तथा कानुनमन्त्री हरिबहादुर चुमान, कांग्रेस संसदीय दलका नेता कृष्णचन्द्र नेपाली, कांग्रेस संसदीय दलका नेता कृष्णचन्द्र नेपाली, जनमोर्चाका संसदीय दलका नेता कृष्ण थापा र नयाँ शक्ति पार्टीका संसदीय दलका नेता हरिशरण आचार्यले बोलेका थिए ।
उनीहरूले सुखी नेपाली र समृद्ध नेपालको नारालाई सार्थक पार्न सबै दलको साथ आवश्यक रहेको, लोकतान्त्रिक गणतन्त्रमा धेरै अघि बढेकाले अब पछि फर्किने कुनै अवस्था नरहेकाले यसलाई संस्थागत गर्न सबै लाग्नुपर्नेमा जोड दिएका थिए ।
यस्तै, मन्त्रालयबाट बजेट विनियोजन गर्दा नीति र प्रक्रिया हुँदाहुँदै त्यसलाई उल्लंघन गरी विनियोजन गरिएको, दुईतिहाइको नेकपाको सरकार काण्डैकाण्डमा मुछिएको सरकारले भ्रष्टाचार, शान्ति सुरक्षा, महँगीलाई नियन्त्रण गर्न नसकेको आरोप लगाएका थिए । यस्तै, बैठकमा प्रदेश सभा नियमावली संशोधन मस्यौदा समितिका सभापति मायानाथ अधिकारीले नियमावली संशोधन समितिको प्रतिवेदन पेस गरेका थिए ।
सम्बन्धित खबर
‘सेन्डो भेस्ट’ लगाएर मन्त्रालयकै कार्यकक्षमा मनाङे
अब अनलाइनबाटै वडाहरुबाट नागरिकताको सिफारिस
पौडी खेल्ने क्रममा डुबेर बेपत्ता पोख्रेल मृत फेला
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग