पोखरा । पोखरामा आउँदो जेठ २३ गते बिहिबार ओलि एन्ड एसोसिएट्स अस्ट्रेलियन एजुकेशन फेयर हुने भएको छ । ओलि एन्ड एसोसिएट्सको आयोजनामा उक्त फेयर हुन लागेको हो ।

शैक्षिक उध्येश्यले अष्ट्रेलिया जान चाहने विद्यार्थीेलाई मध्यनजर गरी फेयरको आयोजना गरिएका एसोसिएट्सका प्रवन्धक तिलक लामिछानेले जानकारी दिए । उक्त शैक्षिक मेलामा अष्ट्रेलियन कलेजका प्रतिनिधिहरु, ओलि एन्ड एसोसिएट्सका प्रवन्धक निर्देशक भवानी ओली , संस्थाका नेपाल प्रमुख सुदर्शन शर्मा, बैंकका प्रतिनिधिहरुको उपस्थीती रहने छ ।

फेयरबाट पोखरा तथा पोखरा आसपासका ५०० भन्दा बढी बिद्यार्थी तथा अभिभावकले लाभ लिने अनुमान आयोजकले गरेको छ । मेलामा शैक्षिक परामर्शका साथै छात्रवृत्तिका अवसरसँगै शैक्षिक कर्जाको लागि बैंकका प्रतिनिधिहरुसँग छलफल पनि गरिने आयोजकले जनाएको छ । यस्तै कार्यक्रममा कलेजका प्रतिनिधिहरुसँग भेटघाट साथै फोटोसेसन पनि हुने छ ।

सहभागीलाई आयल्टस तथा पिटिइ तयारीका बारेमा जानकारी दिइनुका साथै गिफ्ट ह्याम्पर पनि दिइने लामिछानेले बताए ।मेला जिरो किलोमिटरको निर्मल शान्ती निवासमा बिहान १० बजेदेखि साँझ ५ बजेसम्म चल्ने छ । ओली एन्ड एसोसिएट्सले आफ्नो स्थापना कालदेखि अष्ट्रेलियामा सिमित रहि शैक्षिक परामर्श, भिजा प्रोसेसका कार्य गर्दै आएको छ ।