पोखरा । आज अन्तर्राष्ट्रिय योग दिवस । संयुक्त राष्ट्र संघको साधारण सभाले सन् २०१४को डिसेम्बर ११ मा जुन २१ लाई अन्तर्राष्ट्रिय योग दिवस वा विश्व योग दिवसको रुपमा मनाउने निर्णय गरेको थियो । सोही अनुसार पाँचौ योग दिवस नेपाल समेत विश्वका विभिन्न भागमा मनाइँदैछ ।

पोखरामा पनि बिभिन्न कार्यक्रमको आयोजना गरि २१ जुन २०१९ का दिन अर्थात (आज) असार ६ गते अन्तर्राष्ट्रिय योग दिवस मनाइने भएको छ । सामाजिक विकास मन्त्रालय गण्डकी प्रदेशको आयोजनामा पाचौ अन्तर्राष्ट्रिय योग दिवस पोखरा महानगरपालिका वडा नं ६ स्थित पोखरा कोमागाने मैत्री पार्क भित्र केदारेश्वर मन्दिर प्राङ्गणमा डा.योगी विकासानन्दको प्रमुख प्रशिक्षणमा विभिन्न योग अभ्यासका साथ मनाउने भएको छ ।

कार्यक्रममा गण्डकी प्रदेश सरकारका मुख्यमन्त्री पृथ्वीसुब्बा गुरुङको प्रमुख आतिथ्यता रहनेछ । योग सम्बन्धि जनचेतना जगाउदै स्वास्थ्य समाज निर्माण गर्ने हेतुले योग फर हार्मोनी एण्ड पिस भन्ने मूल नाराका साथ योग दिवस मनाउन लागिएको हो ।