सूर्य तिमिल्सिना । नेपाल युवा परिषदको आयोजानामा गण्डकी प्रदेशमा हुन लागेको प्रदेश युवा सम्मेलनको तयारी तिब्र पारिएको छ । यहि असार १३ र १४ गते पोखरामा हुने प्रदेश स्तरीय युवा सम्मेलनमा गण्डकी प्रदेशका ११ वटै जिल्लाका युवाहरुको सहभागिता रहने छ ।

गण्डकी प्रदेशमै पहिलो पटक हुन लागेको यो सम्मेलनमा १८ देखि २९ बर्ष समूहका करिब २ सय युवाको सहभागिता रहने नेपाल युथ काउन्सिल गण्डकी प्रदेश संयोजक मोनिका रानाभाटले जानकारी दिईन् । आयोजकका अनुसार युवा सम्मेलनमा युवा उद्यमशिलता,जलबायु परिबर्तन,युवा र राजनीति,युवा र दिगो बिकासका लक्षहरु,युथ एक्सचेन्ज लगायतका बिषयमा छलफल तथा अन्तरक्रिया हुने छ ।

साथै उक्त कार्यक्रममा प्रदेश नम्बर १ का करिब २ दर्जन युवा सहभागी हुने जनाइएको छ । पोखरा फेवा मार्ग स्थित शान्ति नगर बैंक्युटमा शुक्रबार बिहान १० बजे देखि सुरु हुने कार्यक्रममा भिजिट नेपाल २०२० लाई प्रबर्धन गर्ने गरि युवा र पर्यटन बिषयमा समेत छलफल हुने छ ।

साथै उक्त सम्मेलनमा सामाजिक बिकास मन्त्रालय,उद्योग बन तथा बाताबरण मन्त्रालय लगायत अन्य संघ संस्थाको समेत सहकार्य रहेको छ । हाल सम्म ५२ वटा जिल्ला र सातै वटा प्रदेशमा आफ्नो सक्रिय उपस्थिति देखाइसकेको यो संस्थाले युवाहरुमा नेतृत्वदायी भूमिका बिकास गर्दै सामाजिक परिबर्तनमा युवा अग्रसरतालाई जोड दिंदै आएको छ ।