तनहुँ । राष्ट्रपति रनिङ्ग शिल्ड प्रतियोगिताको उपाधी सत्यवती माध्यमिक विद्यालय दमौलीले चुमेको छ । प्रतियोगितामा राधा माध्यमिक विद्यालय म्याग्देले दोस्रो, मिन माध्यमिक विद्यालय म्याग्देले तेस्रो र मित्रता माध्यमिक विद्यालय आँबुखैरेनीले चौथो स्थान हाँसिल गरेका छन् ।
त्यस्तै पालिका स्तरमा व्यास नगरपालिका १७ गोल्ड, ८ सिल्भर र ४ ब्राउन सहित प्रथम भएको छ । त्यस्तै ५ गोल्ड, ८ सिल्भर र ७ ब्राउन सहित म्याग्दे गाउँपालिका दोस्रो भएको छ । त्यसैगरी २ गोल्ड, १ सिल्भर र ४ ब्राउन सहित शुक्लागण्डकी नगरपालिका तेस्रो भएको छ भने आँबुखैरेनि गाउँपालिका २ गोल्ड र १ ब्राउन सहित चौथो भएको जिल्ला खेलकुद विकास समितिका सचिव शिवहरि पण्डितले जानकारी दिए ।
पालिका स्तरका विद्यालय गरि करिब १२ सय खेलाडीले सहभागी जनाएको प्रतियोगितामा प्रतियोगितामा पुरुष र महिला भलिबल, कबड्डी, कराते, तेक्वान्दो, एथलेटिक्स र उसु खेल संचालन भएको समितिका सचिव पण्डितले जानकारी दिए ।
तनहुँको दमौलीमा सोमबारदेखि ११औं जिल्ला स्तरीय राष्ट्रपति रनिङ शिल्ड प्रतियोगिता सुरु भएको थियो । जिल्ला खेलकुद विकास समिति तनहुँको आयोजनामा भएको प्रतियोगिता खुल्ला मैदान परिसर र कभर्ड हलमा सञ्चालन भएको हो ।
तनहुँका १० वटै स्थानीय तह प्रतियोगितामा सहभागी भएका थिए । जिल्ला स्तरीय अन्तर गाउँपालिकामा छनौट भएका खेलाडीलाई आसन्न पोखरामा हुने क्षेत्रीय राष्ट्रपति रनिङ शिल्डमा सहभागी गराइने जिल्ला खेलकुद विकास समितिका अध्यक्ष ऋषिराम भुसालले जानकारी दिए ।
त्यस्तै क्षेत्रिय प्रतियोगितामा बिजयी हुने प्रतियोगिले केन्द्रमा सहभागी हुन पाउने छ्न । जिल्लाबाट ७६ जना उत्कृष्ट खेलाडीले प्रदेशमा हुने प्रतियोगितामा सहभागिता जनाउने छ्न ।
प्रतियोगिता सोमबार र मंगलबार २ दिनसम्म संञ्चालन भएको थियो । समापन कार्यक्रमको प्रमुख अतिथि जिल्ला समन्वय समितिका प्रमुख शान्तिरमण वाग्ले रहेका थिए ।
सम्बन्धित खबर
पोखरा स्पोर्ट्स अवार्डलाई टेल्जीको साथ
प्रथम गल्याङ कपको उपाधि स्याङ्जालाई
प्रथम गल्याङ कपको उपाधिका लागि पर्वत र स्याङ्जा फाइनल भिड्ने
प्रथम गल्याङ कप पुरुष भलिबल सुरु
यूनाइटेड क्लबद्वारा शुक्रराज बलभद्र स्कुलमा खेलकुद सामाग्री वितरण
प्रथम गल्याङ कप पुरुष भलिबल हुने
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग