कमला रानाा मगर – पूर्वी नवलपरासीको कावासोति नगरपालिका वडा नम्बर ८ स्थीत खरकट्टा जंगलमा सोमबार राति सवारी दुर्घटनामा परी हुदा ५ जनाको मृत्यु भएको छ ।
लु १ ख ८५३२ नं.को ट्रक र विपरित दिशाबाट आउदै गरेको बा २१ च ६४०९ नं. को कार खरकट्टा जंगल क्षेत्रमा राति ११ बजे ठोक्किँदा कारमा सवार पाँचै जनाको मृत्यु भएको हो ।
दुर्घटनामा परी गम्भीर घाइते हरुलाई उद्धार गरी उपचारको लागी जिल्ला सरकारी अस्पताल भरतपुर चितवन तर्फ पठाईएको र सबै जनाको मृत्यु भएको जिल्ला प्रहरी कार्यालय नवलपुरका प्रहरी निरीक्षक राजेन्द्रप्रसाद अधिकारीले बताए।
देवचुलि नगरपालिका वडा नम्बर १ केउरेनि वस्ने ३५ वर्षिय दिपक भन्ने पुर्ण बहादुर विश्वकर्मा, २० देवचुलि वडा नम्बर ५ बस्ने दिल बहादुर ढेंगा मगर, ३० वडा नम्बर १० पृथ्वी नगरका २१ वर्षिय दिपेश राना मगर, ४० सोहि ठाउँ बस्ने २९ वर्षका हिरा राना मगर र ५० कैलाली जिल्ला का सुरज राना मगर गम्भीर घाइते पाँच जनाको उपचारका लागि चितवन पठाए पनि चिकित्सकले मृत घोषणा गरेका थिए ।

त्यसै गरी नवलपरासीको मध्यविन्दु नगरपालिका १० राति पौने २ बजे दाङबाट काठमाण्डौका लागि छुटेको बस पल्टिँदा एक जनाको ज्यान गएको छ । कम्तीमा १५ जना घाइते भएका छन् ।
ना ७ ख ८६४२ नम्बरको बस अनियन्त्रित भएर पल्टिएको हो । बस पल्टिँदा मकवानपुर घर भएका बसका चालक ३५ वर्षीय लक्ष्मण तिमिल्सिनाको ज्यान गएको प्रहरीले जनाएको छ ।
दुर्घटनामा घाइते भएकाहरुको नवलपुर अस्पताल, कालिगण्डकी अस्पताल र पुरानो मेडिकल कलेज चितवनमा उपचार भइरहेको छ ।