Gandak News
Our News Your Views

दमौलीमा एक लाख भन्दा बढी राशीको नव कप सुरु, २२ समूह सहभागी

तनहुँ । नव युवा क्लब व्यास १ हाइस्कुलटारको आयोजना दोस्रो नव कप शनिबारदेखि सुरु भएको छ । युवाहरु बिच मैत्रीपूर्ण वातावरण सिर्जना गर्न र खेलाडीलाई हौसला बढाउन प्रतियोगिता आयोजना गरिएको क्लबका अध्यक्ष सनम तामाङले बताए । विदेशमा रहेका व्यास-१ का युवाले प्रतियोगिता संचालनका लागि आर्थिक सहयोग गरेको अध्यक्ष तामाङले बताए ।
प्रतियोगिताका प्रथम हुने समुहले १ लाख १५ हजार ५ सय ५५ रुपैयाँ र द्वितीय पुरस्कार ६६ हजार ६ सय ६६ रुपैयाँ सहित ट्रफी, मेडल र प्रमाणपत्र पाउने छन । उक्त प्रतियोगितामा २२ समुह सहभागी रहेको आयोजकले जनाएको छ ।
कार्यक्रमको सभापति क्लबका अध्यक्ष सनम तामाङ रहेका थिए । उद्घाटन कार्यक्रमको प्रमुख अतिथि व्यास नगरपालिकाको प्रमुख वैकुण्ठ न्यौपाने रहेका थिए । सो अवसरमा नगरपालिकाले खेलक्षेत्रमा विभिन्न काम गरिरहेको बताए । युवा खेलाडीलाई प्रोत्साहन गर्न नगरपालिकाले व्यास गोल्ड कप समेत संचालन गर्ने प्रमुख न्यौपानेले बताए ।
पुरस्कार फ्रान्सेली सेनाले प्रायोजन
दोस्रो नव कपको पुरस्कार फ्रान्सेली सेनामा कार्यरत हाइस्कुलटारका युवाहरुले प्रायोजन गरेका छन ।शनिबारदेखि सुरु भएको दोस्रो नव कप सेभेन ए साईड फुटबल प्रतियोगिताका लागि प्रथम पुरस्कार १ लाख १५ हजार ५ सय ५५ रुपैयाँ र तथा द्वितीय पुरस्कार ६६ हजार ६ सय ६६ रुपैयाँ युवाहरुले प्रायोजन गरेका हुन ।
व्यास नगरपालिका-१ हाईस्कुलटार घर भई हाल फ्रान्सेली सेनामा कार्यरत बोधविक्रम थापा, सङ्गम हमाल, असिम मल्ल र विकास मल्लले उक्त पुरस्कार प्रायोजन गरेका हुन ।
Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको