तनहुँ । नव युवा क्लब हाइस्कुलटारको आयोजना भएको दोस्रो नव कपको उपाधी रामथुम्की युवा क्लबले जितेको छ ।

शनिबार सम्पन्न फाइनल खेलमा २-० गोलले अनन्त युवा क्लबलाई पराजित गर्दै रामथुम्की युवा क्लबले उपाधी जितेको हो ।

प्रतियोगिताका प्रथम हुने समुहले १ लाख १५ हजार ५ सय ५५ रुपैयाँ र द्वितीय पुरस्कार ६६ हजार ६ सय ६६ रुपैयाँ सहित ट्रफी, मेडल र प्रमाणपत्र पाएका छन ।

रामथुम्की युवा क्लबले केएमसिटि क्लब लाई र अनन्त युवा क्लबले नवयुवा क्लबलाई हराउँदै फाइनलमा पुगेका थिए ।

प्रतियोगितामा उत्कृष्ट खेलाडी रामथुम्कीका सन्दिप थापा, सर्वाधिक गोलकर्ता रामथुम्कीका म्याक्सवयल र अनुशासित टिम हैरान्स क्लब भएका छन ।

युवाहरु बिच मैत्रीपूर्ण वातावरण सिर्जना गर्न र खेलाडीलाई हौसला बढाउन प्रतियोगिता आयोजना गरेको क्लबका अध्यक्ष सनम तामाङले बताए । विदेशमा रहेका व्यास-१ का युवाले प्रतियोगिता संचालनका लागि आर्थिक सहयोग गरेको अध्यक्ष तामाङले बताए ।

विजेता र उपविजेतालाई प्रमुख अतिथि जिल्ला समन्वय समिती तनहुँका प्रमुख शान्तिरमण वाग्ले, क्लबका अध्यक्ष लगाएतले पुरस्कार वितरण गरेका थिए ।

पुरस्कार फ्रान्सेली सेनाले प्रायोजन

दोस्रो नव कपको पुरस्कार फ्रान्सेली सेनामा कार्यरत हाइस्कुलटारका युवाहरुले प्रायोजन गरेका थिए ।

दोस्रो नव कप सेभेन ए साईड फुटबल प्रतियोगिताका लागि प्रथम पुरस्कार १ लाख १५ हजार ५ सय ५५ रुपैयाँ र तथा द्वितीय पुरस्कार ६६ हजार ६ सय ६६ रुपैयाँ युवाहरुले प्रायोजन गरेका हुन ।

व्यास नगरपालिका-१ हाईस्कुलटार घर भई हाल फ्रान्सेली सेनामा कार्यरत बोधविक्रम थापा, सङ्गम हमाल, असिम मल्ल र विकास मल्लले उक्त पुरस्कार प्रायोजन गरेका हुन ।

तस्बिर : गोल नेपाल