काठमाडौं । विश्वकै ग्लामरस, चर्चित र स्टार खेलाडीहरुले खेल्ने खेलकुद प्रतियोगिता हो इन्डियन प्रिमियर लिग,आईपीएल । सबै खेलाडीको चाहना कम्तीमा एक पटक भए पनि आईपीएल खेल्ने हुन्छ ।
यस पटक मार्च २९ बाट भारतमा आइपीएलको १३औं संस्करण हुने तय भएको छ । तर अहिले विश्वभर फैलिरहेको नोवेल कोरोना भाइरस (कोभिड १९) को मारमा आईपीएल पनि पर्ने देखिएको छ ।
यही कोरोनाकै कारण आईपीएल तोकिएको समयमा नहुने सम्भावना बढेको छ ।
त्यसमा पनि भारतीय सरकारले अप्रिल १५ सम्म विदेशीलाई भारत प्रवेशका लागि रोक लगाएपछि विदेशी खेलाडीहरु समेत उपलब्ध नहुने भएका छन् ।
भारतीय क्रिकेट कन्ट्रोल बोर्ड बीसीसीआई स्रोतका अनुसार सरकारको उक्त कदमपछि कुनै पनि विदेशी खेलाडी नआउने जनाएको छ । भारत सरकारले विशेष व्यक्तिहरु बाहेक अन्यलाई अप्रिल १५ सम्म भिसा नदिने जनाएको हो ।
यस्तै महाराष्ट्रका स्वास्थ्यमन्त्री राजेश टोपेले पनि आईपीएल स्थगित गर्ने त्यसो नभएमा दर्शकलाई टिभीमा मात्रै सिमित गर्नुपर्ने बताउँदै आएका छन् ।
यस्तै महाराष्ट्र क्याबिनेट बैठकले दर्शकको उपस्थितिलाई रोक्न भन्दै मुम्बईको वाङखडे स्टेडियममा हुने खेलको टिकट नबेच्न निर्देशन दिएको छ ।
बुधबार मात्रै विश्व स्वास्थ्य संगठन डब्लुएचओले कोरोनालाई महामारिको रुपमा घोषणा गरेपछि यसको त्रास अझै बढेको छ । त्यसैले पनि यसपटकको आईपीएल पछि सर्ने लगभग निश्चित भएको हो ।
आईपीएलको भविष्य के हुने भन्ने निर्णय शनिबार बस्ने आईपीएल गोभर्निङ काउन्सिलको बैठकले तय गर्नेछ । यस सिजनको आईपीएल मार्च २९ बाट सुरु हुने भएको छ ।
बीसीसीआईले आईपीएल सार्ने वा क्लो डोर खेलाउने भन्नेबारे निर्णय गर्न बाँकी छ र सरकारको निर्देशन कुरेर बसेको छ ।
सम्बन्धित खबर
गण्डकी प्रदेश स्क्वास तथा र्याकेट संघको अध्यक्षमा रञ्जित सर्वसम्मत
पोखरा स्पोर्ट्स अवार्डलाई केसी ग्रुपको सहयोग
पोखरा स्पोर्ट्स अवार्डलाई टेल्जीको साथ
प्रथम गल्याङ कपको उपाधि स्याङ्जालाई
प्रथम गल्याङ कपको उपाधिका लागि पर्वत र स्याङ्जा फाइनल भिड्ने
प्रथम गल्याङ कप पुरुष भलिबल सुरु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग