तनहुँ । जनताको सेवा प्रवाहलाई ध्यान दिर्दै तनहुँको म्याग्दे गाउँपालिकाले बिहान देखि साँझ सम्म सेवा प्रवाह गर्ने भएको छ ।

असार १ गते देखि लागु हुने गरी म्याग्दे गाउँपालिकाले कार्यालय बिहान ८ बजेबाट साँझ ६ बजेसम्म जनातालाई सेवा प्रवाह गरिने गाउँपालिकाकी अध्यक्ष मायादेवी रानाले बताइन ।

‘आर्थिक वर्षको समय कम छ,’ उनले भनिन,‘ त्यसैले बिहान देखि साँझ सम्म गाउँपालिकाको कार्यालय खोल्ने निर्णय गरेका हौं ।’ सेवाग्राहीको काम यही आर्थिक वर्ष भित्र सक्नुपर्ने हुन्छ ।

गाउँपालिकाबाट कागजात समयमा बनाए सदरमुकाम रहेका सरकारी कार्यालय छिटो काम गर्न सहज हुन्छ । कोरोनाका कारण सेवाग्राहीको कतिपय काम रोकिएका छन ।

गाउँपालिकाका कारण कुनैपनि सेवाग्राहीको काम नरोकियोस भन्ने मुख्य उद्देश्यले सो निर्णय भएको म्याग्दे गाउँपालिकाले जनाएको छ ।

गाउँपालिकाको निर्णयलाई कार्यान्वयन गर्नका लागि प्रशासन र योजनाका काम बिहान देखि साँझ सम्म सेवा प्रवाह गरिने प्रमुख प्रशाकीय अधिकृत हरिराम नागिलाले बताए ।

उनका अनुसार सम्बन्धी निकायका कर्मचारीलाई खटाइसकिएकाले सेवाग्राही काम फटाफट हुन्छ । प्रशासनिक काम र योजनाका गाउँपालिका सम्बन्धी कुनै पनि सेवा प्रवाह नोरिकिने बताए ।