पोखरासहित गण्डकी प्रदेशका थप ५३ जनामा कोरोना पुष्टि, गण्डकीमा संक्रमितको संख्या ५ सय ९३

पोखरासहित गण्डकी प्रदेशका थप ५३ जनामा कोरोना पुष्टि, गण्डकीमा संक्रमितको संख्या ५ सय ९३

Corona update 4

पोखरा । गण्डकी प्रदेशका ८ जिल्लामा थप ५३ जना कोरोना संक्रमित थपिएका छन् । आज बिहान मात्रै गण्डकीमा २० नयाँ संक्रमित थपिएका थिए ।

स्वास्थ्य निर्देशनालयले सोमबार बेलुका जारी गरेको विज्ञप्तिअनुसार थप ५३ नयाँ संक्रमित थपिएपछि गण्डकीमा संक्रमितको कुल संख्या ५९३ पुगेको छ ।

जसमध्ये तनहुँमा १८ संक्रमित थपिएका छन् । जिल्लाको भिमाद, घिरिङ, आँबुखैरनीमा र बन्दीपुरमा गरि १८ संक्रमित थपिएका हुन् ।

तनहुँमा १८ संक्रमितमध्ये बन्दिपुर गाउँपालिकामा दुई जना स्वास्थ्यकर्मी, एक जना सुरक्षाकर्मी समेत रहेका छ्न ।

स्वास्थ्य निर्देशनालय गण्डकीले बन्दिपुर गाउँपालिकामा १० जना संक्रमित पुष्टि भनेतापनि बन्दिपुर गाउँपालिकाले भने संक्रमितको संख्या ११ जना रहेको बताएको छ ।

यस्तै, स्याङ्जाको अर्जुनचौपारी, वालिङ र कालीगण्डकीमा गरि ९ संक्रमित थपिएका छन् । स्याङ्जका ९ जना संक्रमित नै पुरुष हुन् । बागलुङको ताराखोला र नीसिखोलामा गरि ८ संक्रमित थपिएका छन् ।

बागलुङमा थपिएका संक्रमितमध्ये एक जना ७ महिने शिशु पनि रहेका छन् । गोरखाको गण्डकी गाउँपालिकामा ३, भीमसेनमा ३ पुरुष २ महिला, सहिदलखनमा ३ पुरुष थपिएका छन् ।

यस्तै, लमजुङको क्होलासोथरमा १, मध्यनेपाल २, दुधपोखरी १ बेशिशहर १, गरि ५ संक्रमित थपिएका छन् । पर्वत, नवलपुर र पोखरामा १, १ जना संक्रमित थपिएका छन् ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds