पोखरा – पोखरामा एकैपटक २३ जनामा कोरोना संक्रमण पुष्टि भएको छ ।

स्वास्थ्य निर्देशनालय पोखराको बुधबार बिहानको पहिलो अद्यावधिक विवरण अनुसार पोखरा महानगरपालिकाका २३ जनामा एकैपटक कोरोना संक्रमण पुष्टि भएको छ । संक्रमित मध्ये सबैभन्दा धेरै १७ नम्वर वडाका छन् ।

क्षयरोग उपचार केन्द्र पोखरामा गरिएको परीक्षणमा पोखरा १७ का २१ देखी ४२ बर्ष उमेर समुहका २० जना नेपाल प्रहरीमा कार्यरत पुरुषमा कोरोना पुष्टि भएको निर्देशनालयले जनाएको छ ।

यस्तै पोखरा १४ का ३० र ५७ वर्षीया महिलामा कोरोना पुष्टि भएको छ भने, पोखरा १३ का २७ वर्षीय पुरुषमा कोरोना पुष्टि भएको निर्देशनालयका प्रमुख डा. विनोद विन्दु शर्माले जानकारी दिए ।

यसबाहेक गण्डकी प्रदेशका तनहुँमा १ , लमजुङमा ४ र नवलपुरमा ७ जनालाई कोरोना पुष्टि भएको छ ।

संक्रमित सबैलाई सम्बन्धित जिल्लाको आइसोलेसन कक्षमा लैजाने तयारी भैरहेको छ । यो, संगै गण्डकीमा कोरोना संक्रमितको कूल संख्या २२४५ पुगेको छ  ।