हामी गर्न सक्छौँ सहयोगी हातहरु (वी क्यान डु हेल्पिङ ह्याण्डस्) संस्थाले पोखरामा रहेका विभिन्न वृद्धाआश्रम र सडक बालबालिकालाई डाबर नेपालको सहयोगमा जुस वितरण गरेको छ ।
शनिबार संविधान दिवसको दिन पारेर संस्थाले पोखरामा रहेका केहि वृद्धाआश्रमहरु, कल्याणी बाल आश्रम लामाचौर, केदारेश्वर मन्दिर लेकसाइड, मानव सेवा आश्रम छोरेपाटन, राष्ट्रिय परोपकारी सघं नेपाल ढुङ्गेसाँघु, सृजनशील बालगृह ढुङ्गेसाँघु, पोखरा आरोग्य वृद्धाश्रम साथै पोखराको मूख्य चोकहरु लामाचौर, बगर, महेन्द्रपुल, चिप्लेढुङ्गा, न्यूरोड पृथ्वीचोक, बिरौटा र छोरेपाटनमा रहेका सडक बालबालिका र बेवारिसे मानिसहरु गरी २०० एम.एल.को ५० केस जुस वितरण गरिएको संस्थाका सचिव नवराज दाहालले बताए ।
संस्थाले गरेको अनुरोधलाई स्विकार गर्दै डाबर नेपालका सिनियर सेल्स अफिसर राजेन्द्र न्यौपानेको प्रत्यक्ष उपस्थितिमा जुस वितरण गरिएका हो । उनले कोरोना प्रकोपपछि लामो समयसम्ममा पनि वृद्धाआश्रम साथै सडक बालबालिकाले पेट भरी खान नपाएको अवस्थामा केही राहत पुगोस् भनेर संस्थाले गरेको अनुरोलाई आत्मसाथ गर्दै यस्तो महान काममा जोडिएको जानकारी दिए ।
वि.स. २०७५ सालमा स्थापना भएको उक्त संस्थाले स्थापनाकाल देखि नै सामाजिक क्षेत्रमा काम गर्दैैै आईरहेको छ । कहरले हैन रहरले सहयोग गरौँ मुख्य भावका साथ स्थापना भएको उक्त संस्थाले विगत २ वर्षदेखि सामाजिक क्षेत्रमा काम गरेको संस्थाका अध्यक्ष सोमनाथ अधिकारीले बताए ।
यस्तै संस्थाले हप्ताको शनिबार विभिन्न ठाउँमा गएर सामाजिक क्षेत्रमा धेरै काम गरेको र यो विषम परिस्थितीमा पनि यस संस्थाले निरन्तर रुपमा प्रत्यक्ष रुपमा आम मानिसलाई सहायता हुने गरी आर्थिक तथा भौतिक सहयोग गरिरहेको उल्लेख गर्दै आगामी दिनहरुमा पनि सामाजिक उत्तरदायित्व पुरा गर्ने संस्थाकी संस्थापक अध्यक्ष ईन्दु शर्मा जानकारी दिईन् ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
डढेलो लगाउनेलाई जन्मकैद हुनुपर्छः मुख्यमन्त्री अधिकारी
एशिया कप ट्रायथलन : इजिप्टका सिफेल्दिन र इजरायलकी इड्डा बने च्याम्पियन
फूलबारीमा अटो दुर्घटना हुँदा दुई जना घाइते
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग