तनहुँ । तनहुँमा २६ जना कोरोना संक्रमित थपिएका छन ।

जिल्लाको व्यास नगरपालिकामा १६ जना, भिमाद नगरपालिकामा ७ जना र शुक्लागण्डकी नगरपालिकामा ३ जना कोरोना संक्रमित थपिएका हुन ।

एक महिने बालिका र ३ वर्षीय बालकमा समेत कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।

संक्रमित हुनेहरुमा व्यास-११ का २८ वर्षीय पुरुष, व्यास-२ का २७, ५३, ४६ वर्षीय पुरुष र २७, ४२, २७ वर्षिया महिलामा कोरोना पुष्टि भएको निर्देशनालयले जनाएको छ ।

त्यस्तै व्यास-३ का ४८, २९, १५ वर्षीय पुरुष र ४६, १७, ३०, ४४ वर्षिया महिलामा समेत कोरोना संक्रमण भएको छ । यस्तै व्यास-४ का २८ वर्षीय पुरुष र ४२ वर्षिया महिलामा पनि कोरोना पुष्टि भएको छ ।

यसैगरी भिमाद-६ का ५२, २६, ५० वर्षिया महिला र २३, २६, ४४ र ४१ वर्षिय पुरुषमा कोरोना पुष्टि भएको स्वास्थ्य निर्देशनालयले जनाएको छ ।

त्यस्तै शुक्लागण्डकी-५ की २३ वर्षिया महिला र शुक्लागण्डकी नगरपालिका कै वडा नखुलेका ३ वर्षिय बालक र एक महिने बालिकामा समेत कोरोना पुष्टि भएको छ ।

सबै जना कन्ट्याक्ट ट्रेसिङबाट पत्ता लागेको स्वास्थ्य निर्देशनालय गण्डकीले जनाएको छ ।

बन्दिपुर र आबुँखैरेनीका १/१ जनामा कोरोना संक्रमण पुष्टि