घान्द्रुक माघ १ गतेदेखि खुल्ने

घान्द्रुक माघ १ गतेदेखि खुल्ने

ghandruk-kaski

पर्यटकीय गन्तव्य घान्द्रुक खुल्ने भएको छ । विश्वव्यापी महामारीका रुपमा फैलिएको कोरोना भाइरस (कोभिड–१९) को संक्रमण रोक्न सरकारले लगाएको लकडाउनपछि बन्द भएको ९ महिनापछि अन्नपूर्ण गाउँपालिकामा पर्ने पर्यटकीय गन्तव्य घान्द्रुक माघ १ गतेदेखि खुल्ने भएको हो ।

अन्नपूर्ण क्षेत्र भित्रको महत्वपूर्ण गन्तव्य मानिने घान्द्रुक माघ १ गतेदेखि खोल्ने निर्णय गरिएको घान्द्रुक पर्यटन व्यवस्थापन समितिले शनिबार पोखरामा पत्रकार सम्मेलन गरेर जानकारी दिएको हो । कोभिड संक्रमण घान्द्रुकबासीलाई मात्र नभई पर्यटकलाईसमेत नफैलियोस् भन्ने उद्धेश्यले अहिलेसम्म बन्द राखिएको घान्द्रुक जोखिम केहि न्यूनिकरण भएकाले खोल्न लागिएको समितिका अध्यक्ष किसम गुरुङले जानकारी दिए ।

अध्यक्ष गुरुङले शुरुमा कोभिडका कारण डराएर घान्द्रुक नखोल्दा आलोचना भएपनि स्थानिय र पर्यटक बचाउनका लागि आलोचना सहेर भएपनि घान्द्रुक खोल्न हतार नगरेको उनको भनाई छ । तर लामो समय घान्द्रुक क्षेत्र बन्द हुँदा पर्यटनमा आश्रित घान्द्रुकबासी मारमा पर्दै गएकाले अब खोल्नलाई ढिलाई गर्न हुँदैन भन्ने लागेपछि खोल्न लागिएको उनले बताए । घान्द्रुक क्षेत्र खोलिएपनि कोरोना भाईरस संक्रमण रोक्नका लागि स्वास्थ्यको प्रोटोकल भने पूरा गरिने बताए ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds