पोखरा महानगरपालिका ४ गणेशटोल स्थित सञ्चालनमा रहेको स्पोर्टस् क्यासल प्रा.लिको आयोजनामा हुने प्रथम ‘एमेचुअर क्यासल फुटसल कप –२०७७’ को  आईतबार  सम्पन्न भएको छ ।

प्रथम एमेच्योर स्पोर्टस् क्यासल कपको उपाधि टिम आयोजक स्पोर्टस् क्यासलले जितेको छ ।
पोखरा महानगरपालिका–४ गणेशटोलमा आईतबार सम्पन्न फाईनल खेल क्यासल फरेष्ट फुटबल क्लब स्योर्टस भएको थियो । सम्पन्न खेलमा फरेष्ट स्पोर्टस् फुटबल क्लबलाई ५–१ गोल अन्तरले पराजित गर्दै क्यासलले उपाधि जितेको हो । क्यासलको जीतमा आकाश थपलिया र सरोज तामांगले समान २–२ र मनोज गुरुङले १ गोल गरे । फरेष्ट स्पोर्टसका लागि १ मात्र सान्त्वना गोल सरोज थिङले गरे ।

विजेता टिम क्यासलले उपाधिसँगै शिल्ड, मेडल सहित नगद २५ हजार रुपैयाँ हात पार्यो भने उपबिजेता टिम फरेष्ट स्पोर्टस्ले शिल्ड, मेडल सहित नगद १५ हजार रुपैयाँमा चित्त बुझायो । कुल ४६ टिमहरुको सहभागिता रहेको प्रतियोगितामा क्यासलका आकाश थपलिया सर्वोत्कृष्ट खेलाडी चुनिए । उनले फुटसल जुत्ता प्राप्त गरे । विजेता खेलाडीहरुलाइ पोखरा महानगरपालिका १३ अध्यक्ष लेखबहादुर तामांग, राजकुमार गुरुङ, धनु थकाली लगायतले पुरस्कार वितरण गरेका थिए ।